Муҳандислик-коммуникация тармоқларига уланиш бўйича маъмурий регламент тасдиқланди

Ўзбекистон Республикаси Президентининг «Аҳолига давлат хизматлари кўрсатишнинг миллий тизимини тубдан ислоҳ қилиш чора-тадбирлари тўғрисида»ги Фармонига мувофиқ ҳамда ва муҳандислик-коммуникация тармоқларига уланиш бўйича давлат хизматлари хизматлари кўрсатиш тизимини янада такомиллаштириш мақсадида Вазирлар Маҳкамасининг 2018 йил 31 мартдаги “Мухандислик-коммуникация тармоқларига уланиш бўйича давлат хизматлари кўрсатишнинг маъмурий регламентларини тасдиқлаш тўғрисида”ги Қарори қабул қилинди.

Мазкур Қарорга кўра, юридик ва жисмоний шахсларни электр тармоқларига улаш бўйича, газ тармоқларига улаш бўйича, иссиқлик таъминоти тармоқларига улаш бўйича, сув таъминоти ва сув чиқариб ташлаш тармоқларига улаш бўйича давлат хизматлари кўрсатишнинг маъмурий регламенти тасдиқланган. Регламент талаблари истеъмолчиларнинг 35 кв ва ундан юқори кучланишли электр тармоқларига уланиши ҳолатларига татбиқ этилмайди.

Электр энергиясини электр таъминоти шартномасини тузмасдан етказиб бериш тақиқланади. Истеъмолчиларга хизмат кўрсатиш, яъни уларни электр тармоқларига улаш жараёни техник шартларни ишлаб чиқиш, қуввати 20 квтдан ошмаган электр энергияси истеъмолчилари учун қурилиш-монтаж ишларини амалга ошириш, қуввати 20 квтдан юқори бўлган электр энергияси истеъмолчилари учун электр таъминоти лойиҳасини ишлаб чиқиш ва келишиш, қуввати 20 квтдан юқори бўлган электр энергияси истеъмолчилари учун қурилиш-монтаж ва созлаш, ишга тушириш ишларини амалга ошириш, қуввати 20 кВтдан юқори бўлган электр энергияси истеъмолчиларининг электр қурилмаларини ишга тушириш учун рухсатнома бериш, электр энергиясини ҳисобга олиш тизимини пломбалаш, электр таъминоти шартномасини тузиш, кучланишни етказиб бериш кабилардан иборат.

Регламентга истеъмолчиларнинг электр тармоқларига уланаётган янги ва реконструкция қилинаётган электр қурилмаларига, шунингдек, уланган қувват миқдори кўпаймасдан электр таъминоти схемаси ўзгаришига олиб келадиган электр таъминоти ишончлилиги тоифаси, уланиш нуқталари, ишлаб чиқариш фаолияти турлари ўзгартирилаётганда ҳам амал қилинади.

Электр тармоқларига улаш бўйича давлат хизматлари кўрсатиш маъмурий регламентида аҳолига давлат хизматлари кўрсатишда юридик ёки жисмоний шахсларнинг бевосита иштирок этишини талаб қиладиган тартиботлар сони ҳамда муддатлари тубдан қисқартирилиб, бошқа давлат органлари ва ташкилотлардан олинадиган ҳужжатлар, маълумотлар бекор қилинган ҳамда давлат хизматлари кўрсатишда бюрократик тўсиқ ва ғовларга йўл қўймаслик тадбирлари белгиланган.

М.САДИКОВ,

туман Давлат хизматлари маркази директори.