САМАРҚАНД САЁҲАТИ МАРОҚЛИ ЎТДИ
Ички туризмни ривожлантириш мақсадида Президент қарорига мувофиқ мамлакатимиздаги тарихий Самарқанд, Бухоро, Хива каби шаҳарларга Наврўз муносабати билан берилган дам олиш кунларида аҳоли учун бепул саёҳатлар ташкиллаштирилди. Давлат томонидан арзонлаштирилган транспорт йўл ҳақлари касаба уюшмалар томонидан тўлаб берилиб, саёҳатчиларга қулайлик яратилди. Туманимиз фуқароларининг кўпчилиги бу имкониятдан фойдаланиб, саёҳатга чиқдилар.
Байрам кунларида Қиличбой, Холимбег овулларидан 12 нафар нуроний қариялар учун ҳам 3-сектор раҳбари, туман Ички ишлар бўлими бошлиғи Д.Ибрагимов ташаббуси ва ҳомийлигида Самарқанд, Бухоро шаҳарларига саёҳат ташкиллаштирилди. Саёҳат давомида туман тиббиёт бирлашмасидан жалб этилган шифокор қарияларнинг саломатликларини назорат қилиб борди. Нуронийлар Самарқанд, Бухоро шаҳарларидаги улуғ аждодларимизнинг мақбараларини зиёратлаб, тарихий обидаларни томоша қилдилар.
– Бизга ғамхўрлик кўрсатиб шундай саёҳатларни амалга ошираётган Президентимиздан, ташкиллаштириб ҳомийлик қилган туман ҳокими ва Ички ишлар бўлими бошлиғи Д.Ибрагимовдан ғоят миннатдормиз. Биз ҳам ўз навбатида имконимиз борича тумандаги ислоҳотларнинг амалга ошишига муносиб қисса қўшишга ҳаракат қиламиз–,дейди мамнунлик билан қиличбойлик нуроний отахон Мамут Адамбоев.
***
Амударё Қишлоқ хўжалик касб-ҳунар коллежи ўқитувчилари ҳам дам олиш кунларида Самарқанд шаҳрида экскурсияда бўлиб, байрам тантаналари ва шаҳри азимни томоша қилишга муяссар бўлдилар.
Коллеж касаба уюшмаси томонидан ташкиллаштирилган саёҳатга борган 9 нафар ўқитувчи экскурсияни дастлаб Биринчи Президентимиз И.Каримов қабрини зиёрат қилишдан бошлашди. Шундан сўнг, Хизр ота, Гўри Амир, Бибихоним, Ал-Бухорий, Амир Ҳусайн мақбараларини ҳам зиёрат қилдилар. Регистон майдонидаги тарихий обидаларни, Мирзо Улуғбек расадхонасини ҳам айланиб чиқдилар.
Тарихий обидалар ва мақбаралар зиёратидан сўнг, саёҳатчилар шаҳардаги Наврўз сайлини завқ билан томоша қилдилар. Саёҳатчиларга Регистон майдонида 3Д форматида чироқлар ёғдусидаги ажойиб лавҳалар ҳам намойиш этилди.
Туманимиздан ташриф буюрган саёҳатчилар Самарқанд шаҳрида бўлиб ўтган саёҳатдан катта таассуротлар билан қайтдилар.
Озода Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
