ЧОР-АТРОФ ОБОД БЎЛСА...
Обод ва сўлим масканда яшашни, тоза ҳаводан тўйиб-тўйиб нафас олиб бардам юришни ким ҳам хоҳламайди, дейсиз. Жорий йилимизнинг Юртбошимиз томонидан "Обод турмуш йили” дея эълон қилиниши ҳам ўзимиз, яқинларимиз истиқомат қиладиган ҳудудларни, Ўзбекистон дея аталмиш шу оиламизни обод ва фаровон қилиш борасида зиммамизга улкан вазифалар юклайди ва ижросига эришишдан ҳаммамиз ҳам манфаатдормиз. Чунки бизнинг соғ-саломат ва бардам ҳаёт кечиришимиз 20-25 фоиз атрофимизни ўраб турган олам билан чамбарчас боғлиқ эканлигини тиббиёт тасдиқламоқда.
Туман ободонлаштириш бошқармаси меҳнат жамоаси йил бошидан бери атроф-муҳитни ободонлаштириш, кўкаламзорлаштириш ва тозалигини таъминлаш борасида кенг кўламли ишларни олиб бормоқда.
2009-2011 йилларда ободонлаштириш бошқармаларини замонавий махсус автотранспорт воситалари билан таъминлаш режасига мувофиқ бугунги кунда бошқармамиз битта сув сепиш машинаси, битта ахлат ташувчи машина, 1 дона экскаватор, 1 дона тоза ичимлик суви ташиш машинаси, 3 та трактор билан таъминланган бўлиб, зиммамиздаги вазифаларимизни адо этишда улардан самарали фойдаланаяпмиз.
Туман ободонлаштириш бошқармаси тасарруфига кирувчи барча кўчаларда йил бошидан бери кенг кўламли ободонлаштириш ишлари олиб борилди. 122,12 километрлик Манғит шаҳри ички йўлларида таъмирлаш ишлари олиб борилди ва давом эттирилмоқда.
Йилимиз кўкламида ишчиларимиз 6000 туп мевали ва манзарали дарахт кўчатлари ўтқазган эдилар ва айни кунгача униб кетган кўчатлар парвариш қилинаяпти. Шунингдек, мавжуд 1200 туп манзарали дарахтларга шакл берилиб, суғориб, озиқлантирилаяпти.
Мавжуд 74 та қабристонларда ҳам ободонлаштириш ишлари олиб борилмоқда ва ота-боболарини зиёрат қилувчиларга яхши шароитлар яратилмоқда.
Бу кўламдор вазифаларни адо этишда Ўзбекистон Республикаси Вазирлар Маҳкамасининг 2009 йил 1 апрелдаги 91-сонли "Ободонлаштириш ходимларини моддий рағбатлантиришни кучайтириш чора-тадбирлари тўғрисида”ги қарори асосида ишчиларимизга қулай меҳнат шароитлари яратилаётгани ва рағбатлантирилиб борилаётгани бизга жуда қўл келаяпти.
Шуни ҳам таъкидлашни истардимки, туманимизда ҳар йили кўклам ва ёзда умум-халқ хайрия ҳашарлари ўтказиб келинаётганлиги ҳам атрофимизнинг ораста ва кўркам бўлишига хизмат қилаяпти. Шунингдек, маҳаллалар оқсоқоллари ва маслаҳатчиларининг аҳоли орасида кўкаламзорлаштириш ва тозаликка риоя қилиш лозимлиги борасидаги кенг тушунтиришлари ҳам ўз самарасини кўрсатаяпти. Хонадонлар соҳиблари ҳовлиси атрофини кўркам қилишга, томорқаларига мевали дарахтлар экишга сидқидилдан киришадиган бўлдилар.
Аслида ҳам ҳар ким ихчам ва қулай ҳовлиси атрофини обод қилиб, гуллар экиб, кўрган кўзни қувонтирадиган қилиб қўйса, юртимиз ободлигига, тириклигимизни таъминловчи ҳавонинг тозалигига улкан ҳисса қўшган бўлар эди.
Икром КАРИМОВ,
туман ободонлаштириш бошқармаси бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
