Тадбиркор учун «Ягона дарча» тамойили – муносиб давлат хизматлари мажмуасини тақдим этади
Тадбиркорлик субъектларига «Ягона дарча» тамойили бўйича давлат хизматлари кўрсатувчи "Ягона дарча” марказлари Ўзбекистон Республикаси Президентининг 2015 йил 28 сентябрдаги ПҚ-2412-сонли "Тадбиркорлик субъекталарига "Ягона дарча” тамойили бўйича давлат хизматлари кўрсатиш тартибини янада такомиллаштириш чора-тадбирлари тўғрисида”ги қарорига мувофиқ ташкил қилинган.
Ўзбекистон Республикаси Президентининг «Тадбиркорлик субъектларига давлат хизматларини кўрсатиш механизмларини такомиллаштиришга доир қўшимча чора-тадбирлар тўғрисида»ги 2017 йил 1 февралдаги ПҚ-2750-сонли қарорига мувофиқ 2017 йилда фақат «Ягона дарча» марказлари орқали кўрсатиладиган қўшимча давлат хизматларини жорий этиш жадвали тасдиқланди. Давлат хизматларини жорий этиш жадвалига асосан «Ягона дарча» марказлари ҳозирги кунда тадбиркорлик субъектларига 22 турдаги давлат хизматлари кўрсатади.
Тадбиркорлик субъектларига «Ягона дарча» тамойили бўйича давлат хизматлари кўрсатиш тартиби тўғрисида Низом тасдиқланган.
«Ягона дарча» маркази томонидан ҳозир бўлиш тартибида ёки почта алоқаси орқали олинган ариза «Ягона дарча» маркази ходими томонидан сканерланади, унга электрон рақамли имзо қўйилади ва ариза олинган куни идоралараро электрон тарздаги ҳамкорлик тизими орқали тегишли ваколатли органларга юборилади.
Ваколатли орган ариза олинган вақтдан бошлаб унинг қонун ҳужжатларида белгиланган тартибда кўриб чиқилишини таъминлайди.
Ваколатли орган давлат хизмати кўрсатиш натижасини ёки давлат хизмати кўрсатишнинг асосли рад этилишини электрон тарзда «Ягона дарча» марказига ёхуд аризачига (Ягона портал орқали мурожаат қилинган тақдирда) юборади.
Давлат хизмати кўрсатганлик учун давлат божи, йиғим ва бошқа тўловлар аризачининг хоҳишига кўра «Ягона дарча» маркази хонасидаги банк кассаси ёхуд электрон тўлов тизимлари воситасида амалга оширилади.
Мансур СОДИҚОВ, марказ директори.
(Фото - http://www.norma.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
