Tadbirkor uchun «Yagona darcha» tamoyili – munosib davlat xizmatlari majmuasini taqdim etadi
Tadbirkorlik subʼektlariga «Yagona darcha» tamoyili boʻyicha davlat xizmatlari koʻrsatuvchi "Yagona darcha” markazlari Oʻzbekiston Respublikasi Prezidentining 2015-yil 28-sentyabrdagi PQ-2412-sonli "Tadbirkorlik subʼektalariga "Yagona darcha” tamoyili boʻyicha davlat xizmatlari koʻrsatish tartibini yanada takomillashtirish chora-tadbirlari toʻgʻrisida”gi qaroriga muvofiq tashkil qilingan.
Oʻzbekiston Respublikasi Prezidentining «Tadbirkorlik subʼektlariga davlat xizmatlarini koʻrsatish mexanizmlarini takomillashtirishga doir qoʻshimcha chora-tadbirlar toʻgʻrisida»gi 2017-yil 1-fevraldagi PQ-2750-sonli qaroriga muvofiq 2017-yilda faqat «Yagona darcha» markazlari orqali koʻrsatiladigan qoʻshimcha davlat xizmatlarini joriy etish jadvali tasdiqlandi. Davlat xizmatlarini joriy etish jadvaliga asosan «Yagona darcha» markazlari hozirgi kunda tadbirkorlik subʼektlariga 22 turdagi davlat xizmatlari koʻrsatadi.
Tadbirkorlik subʼektlariga «Yagona darcha» tamoyili boʻyicha davlat xizmatlari koʻrsatish tartibi toʻgʻrisida Nizom tasdiqlangan.
«Yagona darcha» markazi tomonidan hozir boʻlish tartibida yoki pochta aloqasi orqali olingan ariza «Yagona darcha» markazi xodimi tomonidan skanerlanadi, unga elektron raqamli imzo qoʻyiladi va ariza olingan kuni idoralararo elektron tarzdagi hamkorlik tizimi orqali tegishli vakolatli organlarga yuboriladi.
Vakolatli organ ariza olingan vaqtdan boshlab uning qonun hujjatlarida belgilangan tartibda koʻrib chiqilishini taʼminlaydi.
Vakolatli organ davlat xizmati koʻrsatish natijasini yoki davlat xizmati koʻrsatishning asosli rad etilishini elektron tarzda «Yagona darcha» markaziga yoxud arizachiga (Yagona portal orqali murojaat qilingan taqdirda) yuboradi.
Davlat xizmati koʻrsatganlik uchun davlat boji, yigʻim va boshqa toʻlovlar arizachining xohishiga koʻra «Yagona darcha» markazi xonasidagi bank kassasi yoxud elektron toʻlov tizimlari vositasida amalga oshiriladi.
Mansur SODIQOV, markaz direktori.
(Foto - http://www.norma.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
