ФУҚАРОЛАР ТИНЧЛИГИ – ОНА ЮРТ ТИНЧЛИГИ
Миллий қонунчилигимизнинг одам савдосига қарши курашиш ва унинг олдини олишга оид меъёрлари умумэътироф этилган халқаро ҳужжатларга мос келади. Бу аввало, мустақил мамлакатимизнинг Бош Қомусида "демократия умуминсоний принципларга асосланади, уларга кўра инсон, унинг ҳаёти, эркинлиги, шаъни, қадр-қиммати ва бошқа дахлсиз ҳуқуқлари олий қадрият ҳисобланади”, деб қатъий мустаҳкамланганлигида кўриш мумкин. Конституциямизга мувофиқ: "Ҳеч ким қийноққа солиниши, зўравонликка, шафқатсиз ёки инсон қадр-қимматини камситувчи бошқа тарздаги тазйиққа дучор этилиши мумкин эмас”.
Энг муҳими, одам савдосига қарши кураш борасида ҳаётга изчил татбиқ этилаётган қонуний ҳужжатлар, бир қатор дастур ва режаларга назар ташлаб, ҳукуматимиз мамлакатимизда истиқомат қилаётган инсонлар бу мудҳиш жиноятнинг қурбонига айланиб қолмаслиги учун жуда қатъий ва жиддий чоралар кўраётганлигини чуқур англаймиз.
Бу саъй-ҳаракатларга нафақат ҳуқуқни муҳофаза қилувчи идоралар, барча турдаги ташкилот ва муассасалар, фуқаролар йиғинлари ҳамда кенг жамоатчилик жалб этилган. Шу мақсадда ўтказилаётган тадбирлар жараёнида мавзуга оид видеотасмалар, кўргазмали воситалардан кенг фойдаланилмоқда. Муҳтарам Президентимиз таъбири билан айтганда, бизнинг энг асосий бойлигимиз – халқимиз эканлигини назарда тутсак, бу вазифанинг мазмун-моҳияти янада ойдинлашади. Қолаверса, ҳар бир юртдошимизнинг бундай таҳдидлардан холи яшаши жамиятимизнинг асосий бўғини бўлган оилаларда тинчлик-хотиржамлик, бағри бутунлик ҳукм суриши билан боғлиқлигини эътибордан четда қолдириб бўлмайди.
Хурсанд ЙЎЛДОШЕВ,
Қипчоқ ОФЙ «Маҳалла посбони» жамоат тузилмаси сардори.
(Фото - http://pressnews.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
