Дунёнинг энг хавфсиз мамлакатлари рейтингида Ўзбекистон иккинчи ўринда қайд этилди.
Халқаро Gallup тадқиқот компанияси дунёнинг энг хавфли ва хавфсиз мамлакатларини аниқлади. Рўйхатдаги давлатлар орасида Ўзбекистон ҳам бор. Бу ҳақда Qalampir.uz нашри маълум қилмоқда.
Таҳлил давомида 135 та мамлакат майдони, хавфсизлик ҳолати, қонун устуворлиги ва тартиб каби бир неча тоифалар бўйича сўровномалар ўтказилиб, баҳоланди.
Мамлакатлар 100 балл тизимида баҳоланди. Рўйхатнинг 1-ўрнини 97 балл билан Сингапур банд этди. 2-ўринни эса 95 балл билан Ўзбекистон эгаллади. Учинчи ўринни 92 балл жамғарган Исландия банд этди.
Хабар манбасида келтирилишича, Ўзбе-кистонда ўтказилган сўровномада иштирок этганлар сўнгги 1 йил ичида мамлакатда нотинч вазият кузатилмаганлигини маълум қилишган.
Рўйхатдан шунингдек, 87 балл олган Германия, 85 очко билан Эрон, Буюк Британия, Япония, Косова, Мьянма, Португалия, Швеция ва АҚШ, 83 очко билан Марокаш, 82 балл олган Бельгия, 80 очко билан Франция ва Туркия, 77 балл олган Ироқ, 74 очко билан Россия ва 68 очко жамғарган Украина ҳам жой олган.
Дунёнинг энг хавфли ва ишончсиз мамлакати ҳам аниқланди. 42 балл тўплаган Венесуэла энг хавфли давлат деб топилди. Айни вақтда бу ерда оммавий тартибсизликлар бўлиб ўтаётганлигидан хабарингиз бор. Оқибатда эса тинч аҳоли қурбон бўлмоқда.
Интернет материаллари асосида тайёрланди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
