КИТОБХОНЛИККА ДАЪВАТ ҚИЛУВЧИ АКЦИЯ ЎТКАЗИЛДИ
Яқинда "Жайхун илҳомлари” нодавлат нотижорат ташкилоти ташаббуси билан Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди томонидан молиялаштирилган грант лойиҳаси доирасида туманимиздаги 2 та китоб дўконида "Фарзандларингизга китоб совға қилинг!” номли акция ўтказилди.
Ота-оналарни фарзандларига китоб совға қилишга даъват қилиш мақсадида ўтказилган акция доирасида китоб дўконларига махсус тарғибот воситалари жойлаштирилди. Акциянинг фаол иштирокчиларига китоблар совға қилинди ва улар ташкилот қошидаги кутубхонага аъзо қилинди.
Айтиш керакки, "Жайхун илҳомлари” нодавлат нотижорат ташкилоти томонидан 2015 йилда ташкил қилинган кутубхона бугунги кунга келиб, 4 мингдан ортиқ китоб фондига эга. "Тараққиёт кўзгуси” газетаси таҳририяти ва бошқа ҳомийларнинг маблағлари ва совғалари ҳисобига кутубхонанинг китоб фонди ошиб бормоқда. Айни кунда кутубхонага турли касб эгаларидан ташқари мактаб, академик лицей ва касб-ҳунар коллежларининг 500 нафарга яқин ўқувчилари аъзо бўлишган.
Бу каби тадбирлар ёшларнинг дунёқарашини кенгайтириш, маънавиятини ва билим даражасини юксалтириш, пировардида уларни турли ёт ғоялардан асраб, юрт корига ярайдиган инсонлар бўлиб вояга етишларига кўмаклашади.
Аҳмад НАФАСОВ,
"Жайхун илҳомлари” ННТ раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
