KITOBXONLIKKA DAʼVAT QILUVChI AKTsIYa OʻTKAZILDI
Yaqinda "Jayxun ilhomlari” nodavlat notijorat tashkiloti tashabbusi bilan Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi tomonidan moliyalashtirilgan grant loyihasi doirasida tumanimizdagi 2 ta kitob doʻkonida "Farzandlaringizga kitob sovgʻa qiling!” nomli aktsiya oʻtkazildi.
Ota-onalarni farzandlariga kitob sovgʻa qilishga daʼvat qilish maqsadida oʻtkazilgan aktsiya doirasida kitob doʻkonlariga maxsus targʻibot vositalari joylashtirildi. Aktsiyaning faol ishtirokchilariga kitoblar sovgʻa qilindi va ular tashkilot qoshidagi kutubxonaga aʼzo qilindi.
Aytish kerakki, "Jayxun ilhomlari” nodavlat notijorat tashkiloti tomonidan 2015-yilda tashkil qilingan kutubxona bugungi kunga kelib, 4 mingdan ortiq kitob fondiga ega. "Taraqqiyot koʻzgusi” gazetasi tahririyati va boshqa homiylarning mablagʻlari va sovgʻalari hisobiga kutubxonaning kitob fondi oshib bormoqda. Ayni kunda kutubxonaga turli kasb egalaridan tashqari maktab, akademik litsey va kasb-hunar kollejlarining 500 nafarga yaqin oʻquvchilari aʼzo boʻlishgan.
Bu kabi tadbirlar yoshlarning dunyoqarashini kengaytirish, maʼnaviyatini va bilim darajasini yuksaltirish, pirovardida ularni turli yot gʻoyalardan asrab, yurt koriga yaraydigan insonlar boʻlib voyaga yetishlariga koʻmaklashadi.
Ahmad NAFASOV,
"Jayxun ilhomlari” NNT raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
