«Ёнғин хавфсизлиги кунлари» давом этмоқда

Шу йилнинг 10 ноябрь кунидан 2017 йил 10 январь кунлари оралиғида «Ёнғин хавфсизлиги кунлари» ўтказилмоқда. «Ёнғин хавфсизлиги кунлари» тадбири давомида тумандаги аҳоли пунктларини замонавий шаҳарсозлик талаблари ва меъёрларига ҳамда миллий анъаналарга мувофиқ комплекс ривожлантиришга эътиборни қаратиш, тарихий обидаларни сақлаш, қурилиш масканлари учун ер танлаш ва ишлаб чиқарилаётган лойиҳа ечимлари сифатини ошириш устидан назоратни кучайтириш лозимлиги тўғрисида кўчма режалар ишлаб чиқилиб, «ҚҚ электр тармоқлари» туман филиали, «Шимолгазтаъминот» УКнинг туман филиали ходимлари билан биргаликда туман ҳудудида жойлашган фуқаролар яшаш уйлари, корхона-ташкилотларда ёнғин хавфсизлиги қоидалари бўйича техник текширишлар ўтказилиб, текширишлар борасида аниқланган камчиликлар бўйича фуқароларга ва корхона-ташкилотлар раҳбарларига ёнғинга қарши профилактик тушунтириш ишлари олиб борилиб, уларни бартараф этиш чоралари кўрилмоқда.

Шундай тадбирларнинг кўплаб ўтказилишига қарамасдан, фуқароларнинг эътиборсизликлари натижасида айрим хонадонларда ёнғин содир бўлиши ҳолатлари кузатилмоқда.

Биз туманимиз фуқароларидан ЁХБ ходимлари томонидан олиб борилаётган тушунтириш ва огоҳлантириш ишларига эътиборсизлик билан қарамасликларини, ёнғинларнинг олдини олиш мақсадида табиий газ ва электр энергиясидан фойдаланишда ҳушёрлик билан иш кўришларини илтимос қиламиз.

Бизнинг тинч ва фаровон яшашимиз, ҳар хил нохуш ҳодисалардан йироқ бўлишимиз ўзимизга боғлиқ эканлигини доимо эсингизда тутинг!

Ҳамро МАТЯКУБОВ, туман ИИБ ЁХБ бошлиғи,  майор.

Рахат ХУДАЙБЕРГЕНОВ,

туман ИИБ ЁХБ инспектори, сержант.