ҒАМХЎРЛИКДАН МИННАТДОРМИЗ
Жами аҳолисининг 60 фоизидан кўпроғини ёшлар ташкил этадиган бизнинг мамлакатимизда уларнинг тарбиясига, билим олишларига ва бахтли ҳаёт кечиришларига алоҳида эътибор берилади. Шу боисдан ҳам ёшлар мустақил Ўзбекистонимизнинг гуллаб-яшнаши йўлида фидойилик намуналарини кўрсатмоқдалар. Ёшларга билдирилаётган ишонч уларни ҳар бир соҳада олиб борилаётган ислоҳотларни жадаллаштиришда ғайрат-шижоат кўрсатишга даъват этмоқда.
Биринчи Президентимиз Ислом Каримов катта йиғинларда сўзлаган нутқларида доимо ёшларга "Ватани, халқи учун курашга бел боғлаган, софдил, иродаси мустаҳкам, кўзлари ёниб турадиган ёшлар” дея таъриф беришдан чарчамас эдилар. Муҳтарам Президентимизнинг ёшларга нисбатан шундай гапларни айтиши уларга қанот бағишларди гўё.
Ўзбекистон Республикасининг мустақиллигини мустаҳкамлаш йўлида ҳаракат қилаётган ёшлар орасида амударёлик ёшларнинг ҳам алоҳида ўрни бор. Бизнинг ёшларимиз ҳам барча соҳаларда амалга оширилаётган ислоҳотларни жадаллаштиришга ўзларининг муносиб ҳиссаларини қўшмоқдалар.
Ўзбекистон Республикаси Президенти Шавкат Мирзиёев Ўзбекистон Республикаси Конституцияси қабул қилинганининг 24 йиллигига бағишланган тантанали маросимда қилган "Қонун устуворлиги ва инсон манфаатларини таъминлаш – юрт тараққиёти ва халқ фаровонлигининг гарови” номли маърузаларида ҳозирги вақтда ёшлар тарбияси ўз долзарблиги ва аҳамиятини ҳеч қачон йўқотмайдиган масала бўлиб қолаётганлигини, бугунги тез ўзгараётган дунё инсоният олдида, ёшлар олдида янги-янги буюк имкониятлар эшикларини очаётганини таъкидлаб, шу билан бирга уларни илгари кўрилмаган турли ёвуз хавф-хатарларга ҳам дучор қилаётганини, ғаразли кучлар содда, ғўр болаларни ўз ота-онасига, ўз юртига қарши қайраб уларнинг ҳаётига, умрига зомин бўлаётганини афсусланиб гапирдилар. Муҳтарам Президентимиз Ш.Мирзиёев ўз нутқларида бундай кескин ва таҳликали шароитда ота-оналар, устоз-мураббийлар, жамоатчилик, маҳалла-кўй бу масалада хушёрлик ва огоҳликни янада ошириши кераклигини, ёшлар билан кўпроқ гаплашиб, уларнинг қалбига қулоқ солиш, дардини билиш, муаммоларини ечиш учун амалий кўмак бериш кераклигини, бу борада уюшмаган ёшлар билан алоҳида иш олиб бориш зарурлигини уқтирдилар.
Биз Президентимиз нутқларини эшитар эканмиз, ушбу вазифаларни амалга оширишда асрлар мобайнида шаклланган миллий анъаналаримизга, аждодларимизнинг бой меросига таяниб, ёшларнинг, айниқса, қиз болаларнинг замонавий билим ва касб-ҳунарларни, ҳорижий тилларни эгаллашлари, ҳар томонлама соғлом ва баркамол бўлиб, ҳаётдан муносиб ўрин топишлари учун барча имкониятлар яратилишини чуқур ҳис қилдик.
- "Бизнинг навқирон авлодимиз манфаатларини таъминлаш борасидаги фаолиятимиз яқинда қабул қилинган "Ёшларга оид давлат сиёсати тўғрисида”ги қонун асосида қатъий давом эттирилади, – дедилар Президентимиз Ш.Мирзиёев ўз маърузаларида. – "Камолот” ёшлар ижтимоий ҳаракати барча ёшларимиз интиладиган, уларнинг қобилият ва иқтидорини рўёбга чиқарадиган ва манфаатларини ҳақиқий ҳимоя қиладиган ташкилотга айланиши учун барча чораларни кўрамиз”.
Биз буни Президентимизнинг ёшларга нисбатан ғамхўрлиги, уларни бирлаштирадиган ташкилотга бўлган ишончи деб биламиз.
Айни кунда туманимиз ёшлари муҳтарам Президентимизнинг "Қонун устуворлиги ва инсон манфаатларини таъминлаш – юрт тараққиёти ва халқ фаровонлигининг гарови” номли маърузасини ўқиб-ўрганишда давом этмоқдалар. Ёшларимизнинг бугунги ниятлари – она Ватанга содиқ фарзанд бўлиб, Президентимизнинг ишончларини тўла оқлашдан иборат.
Мансур ЎРОЗБОЕВ, "Камолот” ЁИҲ туман Кенгаши раиси.
(Фото - http://farishta.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
