Ғамхўрликдан миннатдормиз
Бизнинг "Манғит матбааси” хусусий корхонамиз 2007 йилдан буён фаолият кўрсатиб келмоқда. Асосан матбаачилик ишларини бажаришга мўлжалланган корхонамизда туманимизда чиқадиган "Тараққиёт кўзгуси” газетасини чоп қилиш, корхона ва ташкилотлар учун иш қоғозларини тайёраш, бухгалтерлик хужжатларини муқовалаш ва шунга ўхшаш бир қанча ишлар амалга оширилади.
Корхонамизда 6 киши меҳнат қилади. Биз ўз ходимларимизнинг меҳнат қилишлари, дам олишлари ва уларнинг ижтимоий ҳимоясини яхшилаш бўйича доимо ғамхўрлик қилиб келмоқдамиз.
Шу сабабдан ҳам корхонамизда иш унумдорлиги сезиларли даражада ошиб бормоқда. Бундай ҳолат албатта корхонамизда белгиланган режаларнинг ўз вақтида бажарилишига самарали таъсир кўрсатмоқда.
Биз тадбиркорлар ҳамиша Президентимиз ва ҳукуматимиз ғамхўрликларидан миннатдорлик туйғуси билан яшамоқдамиз. Чунки Президентимиз ва ҳукуматимиз томонидан тез-тез қабул қилинаётган Фармон ва Қарорларда доимо тадбиркорлик фаолиятини ривожлантириш ва қўллаб-қувватлаш масалаларига эътибор берилмоқда.
Муҳтарам Президентимизнинг 2015 йил 15 майдаги "Хусусий мулк, кичик бизнес ва хусусий тадбиркорликни ишончли ҳимоя қилишни таъминлаш, уларни жадал ривожлантириш йўлидаги тўсиқларни бартараф этиш чора-тадбирлари тўғрисида”ги Фармони бизни янги марралар сари руҳлантириб юборади.
Бугунги миллий қонунчилигимиз тадбиркорларнинг эркин фаолият юритишларини кафолатлайди. Энди тадбиркорлик субъектлари фаолиятига ҳадеб аралашиш, хоҳлаган вақтида текширишлар ўтказиш ҳуқуқи ҳар қандай ташкилот ёки мансабдор шахсга берилавермайди. Президентимиз Фармонига кўра, режали текширишларнинг ягона тартиби ва даврийлиги белгиланиб, барча режали текширишлар молиявий хўжалик фаолияти бўйича ўтказиладиган текширишлар каби кичик бизнес субъектларида 4 йилда бир марта, бошқа субъектларда эса 3 йилда бир марта ўтказилади.
Биз тадбиркорлар учун яратилаётган бундай ғамхўрликлардан чексиз миннатдормиз.
Пўлат
ХЎЖАБОЕВ,
"Манғит матбааси” хусусий корхонаси раҳбари.
Мақола Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди томонидан молиялаштирилган лойиҳа доирасида тайёрланди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
