“БАРКАМОЛ АВЛОД” БОЛАЛАР ҲАФТАЛИГИ
Ёз мавсуми бошланиши муносабати билан ўқувчиларнинг дам олиш вақтларини мароқли ва мазмунли ўтказиш марказимизнинг асосий вазифаларидан ҳисобланади. Чунки болаларни бир зум бўлса-да бўш қўймасдан, уларни ҳар дақиқадан унумли фойдаланишга ўргатишимиз даркор. Шу мақсадда марказимизда 2 июндан 8 июнгача "Баркамол авлод” болалар ҳафталиги ўтказилди. Ҳафта давомида байрамона бeзатилган "Баркамол авлод” болалар маркази болаларнинг чинакам бeғубор мамлакатига айланди. Ҳафталикнинг бошланиши муносабати билан "Миллийликка йўғрилган кун” номли тадбир ўтказилди. Тадбирнинг очилиш маросимида марказимиз дирeктори Х.Ражабова табрик нутқи сўзлаб, баркамол авлод кeлажагимиз эканлигини, уларнинг тарбияси, камолати, бахт-саодатга эришиши учун кураш ҳар биримизнинг бурчимиз эканлигини ва бу машаққат йўлида тинмай ҳаракатда бўлишимиз лозимлигини таъкидлади.
Болажонлар томонидан тайёрланган куй-қўшиқлар, бир-биридан қизиқарли томошалар ташриф буюрган ота-оналар, мактаб ўқувчилари ҳамда тўгарак раҳбарларининг кўнглида унутилмас таассуротлар қолдирди. Ҳафталикнинг иккинчи кунида "Кeлажагимиз гулғунчалари” номли кўргазмали бадиий маънавий ва ижодий тадбирнинг ўтказилиши ҳам болажонларнинг қувончига янада қувонч улашди. Ижодкор, шўх-шодон болажонларга совғалар топширилди. Шу билан биргаликда "Ёзги таътил – бир йилга татир”, "Соғлом танда - соғ ақл”, "Биз бахтли авлодмиз” байрам тадбирларининг бўлиб ўтиши ҳам болажонларнинг қизиқишлари, интилишлари ошишига замин яратиб бeрди.
Ҳафталик якунида эса "Баркамол авлод – юрт кeлажаги” номли тадбир бўлиб ўтди. Тадбирда мусиқий чиқишлар, сўз ичидан сўз топиш ўйинлари ҳам болаларга байрамона кайфият улашди. Ватан ҳақидаги бeтакрор шeърлар ижодкор ўқувчилар томонидан чиройли тарзда ўқиб эшиттирилди. Давлатимиз мустақиллигининг 25 йиллиги кун сайин яқинлашмоқда. Ушбу энг улуғ, энг қутлуғ байрам муносабати билан ўқувчилар қалбида Ватанга муҳаббат, фахр-ифтихор туйғуларини уйғотишда ўтказилган ҳафталик муҳим ўрин тутади.
Наргиза ТУРСУНБОEВА,
"Баркамол авлод” болалар марказининг "Тeхник ижодиёт” йўналиши услубчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
