БИЗ СОҒЛОМ ОИЛА ТАРАФДОРИМИЗ
Юртбошимизнинг "Қиз болани коллежни битирмасдан, ҳунар эгалламасидан кимки турмушга бермоқчи бўлса, билиб қўйинглар, мен бунга мутлақо қаршиман. Қиз бола аввало, касб эгалласин, ўз фикрига эга бўлсин, ҳаётни англасин, шундан кейин у ҳаётда ўз ўрнини топади, йўлини йўқотмайди”, - дея айтган сўзлари, шу юртдаги ҳар бир қизнинг тақдирини, эртанги келажагини ўйлаб қайғураётганлиги ҳар бир ота-она елкасидаги масъулият ҳиссини янада кучайтирди, десам муболаға бўлмайди.
Айниқса, биз қизлар Президентимизнинг юксак эътиборидан миннатдормиз. Аммо, ҳеч биримизга сир эмаски, ҳали вояга етмасдан туриб оила аталмиш муқаддас қўрғонга қадам қўйган ёшлар ҳам учраб туради. На қўлида касб-у кори бор, на ҳаётнинг паст-у баландини англаб етмаган ёки жисмонан шаклланмаган ёшларнинг ўйламай қилган бундай хатти-ҳаракати бугун бутун халқимизни ташвишга солмоқда. Ачинарлиси, эрта турмуш қурган бу ёшлар ўртасида турмушнинг "мушти”га чидамай, ажралиб кетиш ҳолатлари жуда кўп учрамоқда. Ёки бўлмаса, жисмонан вояга етмаган қизларнинг носоғлом фарзандларни дунёга келтириши бутун жамият ҳаётига салбий таъсир кўрсатмоқда. Ахир оила – муқаддас, у ажралиш учун қурилмайди. Қачонки оилалар тинч, мустаҳкам бўлса, Ватан равнақ топади. Носоғлом фарзандлар юртга ҳеч қандай наф келтирмайди. Ахир ҳар бир ота-онанинг вазифаси ақлан ва жисмонан соғлом келажак ворисларини тарбиялаш эмасми? Фарзандлари соғлом юрт қудратли бўлади, қудратли юрт насли эса ҳамиша соғлом бўлмоғи лозим. Шу сабаб қиз болаларнинг ўқиб, билим эгаллашлари, касб-ҳунарли бўлишлари учун, улар ўртасида эрта турмушнинг олдини олиш мақсадида бизнинг Манғит Иқтисодиёт коллежимизда ҳам "Биз соғлом турмуш, соғлом оила тарафдоримиз” шиори остида кўпгина ишлар амалга оширилмоқда. Жумладан, коллеж хотин-қизлар қўмитаси раисаси М.Полвонова, "Ораста қизлар” тўгараги раисаси М.Юсупова ва тўгарак аъзоси Н.Тажимуродова ҳамда коллеж раҳбарияти томонидан турли семинар-тренинглар ўтказилиб, қизлар ўртасида тушунтириш ишлари олиб борилмоқда, қолаверса, коллеж ўқувчиларининг ота-оналари, маҳалла қўмиталари, вояга етмаганлар билан ишлашиш комиссияси вакиллари ҳамда туман тиббиёт бирлашмаси шифокорлари билан ҳамкорликда тарғибот-ташвиқот ишлари яхши йўлга қўйилган.
Феруза ЙЎЛДОШЕВА,
Манғит Иқтисодиёт коллежи ўқувчиси.
(Фото - http://zarnews.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
