ИШЛАРИМИЗ КЎЛАМИ КЕНГ
Бизнинг "Тошёп” ОФЙ "Обод турмуш йили”да, аниқроғи, 2013 йил 7 январда ташкил топган янги ўзини-ўзи бошқариш органидир. Бу янги элатимизда "Бирлашган”, "Тақирқалъа” ва "Озодлик” аҳоли пунктлари мавжуд бўлиб, бу масканларда жами 682 оила истиқомат қилмоқда. Бу оилаларда эса 3225 нафар аҳоли бугунги фаровон ва обод, саодатли ҳаёт гаштини сурмоқдалар. Ҳар бир оиланинг томорқа ерлари мавжуд бўлиб, томорқа ерлардан унумли фойдаланишга ҳаракат қилмоқдалар. Негаки, томорқа ерлар қишлоқ аҳолисининг тирикчилик манбаи бўлиб, у ерда етиштирилаётган ғалла, сабзавот ва полиз экинларидан юқори ҳосил олиниб, хонадон талаб-эҳтиёжларидан ташқари ички бозоримизни арзон ва тўкин-сочин қилишга хизмат қилмоқда. Томорқа ерлардан унумли фойдаланиб, озиқ-овқат маҳсулотларини кўпайтиришга муносиб ҳисса қўшаётган тадбиркор деҳқонларимиздан Каримбой Бобониёзов, Саъдулла Отамуродов, Бекимбат Оллаберганов, Ойгул Авазбоева, Бектурсун Ўрозбоев, Оқмон Шомуродов, Қулмамбат Эшчонов, Бозорбой Холманов, Каримбой Ражабов ва Жумабой Оллабергановлар эртаги сабзавот маҳсулотларини ва эртаги картошка етиштиришда бошқаларга намуна бўлмоқдалар.
Боғ – элнинг тўкин-сочинлик рамзи, кўрки ва савлати ҳамда сўлим гўшасидир. Овулимиз одамлари боғдорчиликка жуда қизиқадилар. Ҳар бир уй, ҳар бир хонадон ҳовлисида албатта мевали дарахтлар ўстирилади. Бундан ташқари, 30 гектаролма боғ, 10 гектарузумзорлардан ҳар йили мўл ва ширин-шакар мева етиштирилиб, эл дастурхонига тортиқ қилинмоқда. Шунингдек, тадбиркор фермерлардан Озод Қурбонбоев 5 гектар ва Роза Каримова 2 гектар янги олма боғ ташкил этганлар. Бу боғлар ҳам эндиликда мўл ҳосил бера бошлади.
Ҳар йилги анъанага кўра эрта баҳордан бошлаб элимизни ободонлаштириш ва кўкаламзорлаштириш ишлари қизиб кетади ва бу хайрли иш умумхалқ ишига айланади. Бу хайрли ишда ҳар бир киши, ҳар бир хонадон, ҳар бир кўча аҳли фаол қатнашиб юртимизнинг обод, янада кўркам бўлиши учун жон куйдирмоқда.
Юртимизнинг ободлиги ва фаровонлигидан дарак берувчи яна бир тимсол – бу намунавий лойиҳадаги уй-жойлар қурилишидир. Бунга амалий намуна сифатида "Тақирқалъа” аҳоли пунктидаги 100 та намунавий лойиҳадаги замонавий уй-жойларни кўрсатишимиз мумкин. Бу янги уй-жойларда барча қулайлик ва шарт-шароитлар яратилган ҳамда янги шаҳарча тусини олган. Бу йил бу ерда яна 10 та янги уй-жойлар қурилмоқда. Бу янги уй-жойлар Мустақиллигимизнинг 22 йиллиги шарафига битказилиб, улуғ байрамга совға қилинади.
Халқ фаровонлиги ва эл ободлиги йўлидаги кўламдор эзгу ишларимизни қизғин давом эттириб, истиқлол байрамимизни муносиб кутиб оламиз.
Аҳмаджон ЎРОЗБОЕВ,
"Тошёп” О.Ф.Й раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
