“Кексалик гашти” лойиҳаси - амалда
Ўзбекистон Республикаси Олий Мажлиси ҳузуридаги Нодавлат нотижорат ташкилотларни ва фуқаролик жамиятининг бошқа институтларини қўллаб-қувватлаш Жамоат фонди томонидан "Кексаларни эъзозлаш йили” Давлат дастурида белгиланган вазифаларни амалга оширишга нодавлат нотижорат ташкилотларини кенг жалб қилиш мавзусидаги танлов йўналишида кексаларни спорт ва жисмоний тарбия билан шуғулланишга жалб қилиш, турли соғломлаштириш клубларининг фаолиятини ташкил қилишда ННТлар фаоллигини ва самарали иштирокини таъминлаш мақсадида "Кексалик гашти” номли лойиҳа ёзиб давлат грантини қўлга киритишди. Сурхондарё вилояти "Барқарор ҳаёт” ижтимоий – маърифат маркази лойиҳа асосида стол тенниси ва гимнастика тўгараклари фаолиятини йўлга қўйишди. Ушбу лойиҳани амалга оширишдаҳамкоримиз Термиз шаҳар 1-сонли Болалар ва ўсмирлар спорт мактаби стол тенниси ва умумий гимнастика машғулотларини ўтказиш учун яқиндан кўмак бермоқда (хоналар ва стол тенниси билан таъминланди). Олий Мажлис ҳузуридаги Жамоат фонди томонидан молиялаштирилган "Кексалик гашти” лойиҳа асосида стол тенниси учун зарур бўлган ракеткалар ва тўпчалар ҳамда умумий гимнастика машғулотларини самарали ўтказиш учун велотренажёр, обруч ва гимнастика таёқчалари хам харид қилинди ва бу жиҳозлардан фойдаланмоқдалар. Бундан ташкари лойиҳа асосида "Кексаларни эъзозлаш – барчамизнинг фарзандлик бурчимиздир!!!, Кексалар учун гимнаситка: 14 оддий машклар” номли 250 дона буклет тайёрланган хамда лойиха доирасида таркатилган.
Ушбу лойиҳани амалга ошириш мақсадида "Барқарор ҳаёт” ижтимоий –маърифат маркази тренерлари икки ой давомида Термиз шаҳридаги махаллаларда кексаларни спорт ва жисмоний тарбияга жалб қилиш мақсадида икки хил йўналишдаги спорт тўгараклари очилганлигини эълон қилиниши семинар шаклида ўтқазилган. Семинарларда жами 238 нафар кексаларга тўгараклар очилганлиги ҳақидаги маълумотларни етказишди. Семинар катнашчилари блокнот, ручка ва папка билан таъминланган, ва Термиз шахар 15 МФЙда тўгараклар очилганлиги ҳақида 15 дона эълон-банерлар илинди.
Жалб қилинган тренерлар томонидан стол тенниси ва умумий гимнастика тўгараклари сентябрь ойидан очилди ва ушбу тўгараклар ҳафтада икки маротаба олиб борилмоқда.
Хозирги кунга кадар умумий гимнастика тўгарагига жами 60 нафардан ортиқ кекса ёшидаги қарияларимиз қатнашиб келмоқда. Стол тенниси тўгарагига эса 35 нафардан ортиқ кексаларимиз қатнашиб келмоқда.
2015 йил 30 ноябрь куни Хотин-қизлар қўмитаси томонидан Конституция байрамига бағишлаб хотин-қизлар ўртасида Гимнастика бўйича мусобақа ўтказилди. Ушбу мусобақада Сурхондарё вилоятининг барча туманлари иштирок этишди. Гимнастика бўйича ўтказилган мусобақада "Барқарор ҳаёт” Маркази томонидан лойиҳа асосида ташкил этилган гимнастика тўгарагига қатнашувчи аёллар хам гурух тузишиб Термиз шаҳри номидан қатнашиб биринчиликни қулга киритишиб диплом билан тақдирландилар ва Республика босқичига йўлланмани қўлга киритдилар.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
