ҲАМКОРЛИГИМИЗ ЯХШИ САМАРА БЕРМОҚДА
Ўқитувчилик юртимизда азалдан улуғ касб саналиб келинган. 1997 йилдан бери 1 октябрь – Ўқитувчи ва мураббийлар куни умумхалқ байрами сифатида кенг нишонланиб келиниши шарафли касб эгаларига юксак ҳурмат, эътиборнинг амалдаги ифодасидир.
Бугунги таълим-тарбия кечагидан тубдан фарқ қилади. Шу ўринда мен жаҳон тажрибасида учрамаган самарали уч муҳим бўғин – "Оила – маҳалла – таълим муассасаси” ҳамкорлиги асосидаги амалиётнинг йўлга қўйилгани ва унинг ҳаётбахш натижаларини эътироф этишни истардим. Зотан, бу олтин халқанинг ҳамжиҳатликдаги фаолияти юртимизда ота-оналарнинг фарзанд тарбиясидаги масъулиятини оширди. Болаларни тарбиялашда маҳалланинг таъсир кучидан унумли фойдаланиш имконини берди. Зеро, маҳалла эзгулик бешиги, тарбия ўчоғи, яшаш тарзи, миллий удумлар, урф-одат ва анъаналар шаклланган маскан бўлиб келмоқда. Одамларнинг бир-бирига меҳр-оқибатли, мурувватли, саховатли бўлишида ва ўзига хос жамоани шакллантиришда маҳаллалар жуда муҳим аҳамият касб этади.
Бугун биз - маҳалла тузилмаси ходимлари ёш авлодни ҳар томонлама комил инсонлар қилиб тарбиялаш, келажагимиз эгаларини билимли ва ҳунарли қилиб вояга етказишда ўқитувчиларнинг энг яқин ҳамкорлари, ҳаммаслакларимиз.
Фурсатдан фойдаланиб, туманимиздаги барча таълим соҳаси фидойиларини 1 октябрь – Ўқитувчи ва мураббийлар куни билан самимий табриклайман. Уларга мустаҳкам соғлик, оилаларига тинчлик-хотиржамлик тилаб қоламан. Баркамол авлод тарбиясидек хайрли ишларингизда доимо омад ёр бўлсин!
Гавҳар ЧИМБОЙЧИЕВА,
"Маҳалла” хайрия жамоат фонди туман бўлинмаси мутахассиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
