КУЧИМИЗ – ДЎСТ-БИРОДАРЛИКДА
Мустақиллик халқимизнинг ўзлигини англашига, отамерос урф-одатлар, анъаналар ва қадриятларини қайта тиклаб, турмушимиздан жой олишига имкон берди.
Истиқлол йилларида мамлакатимизда эришилган улуғвор бунёдкорликларнинг, иқтисодий юксалишларнинг ва фаровонликнинг муҳим асосларидан бири халқимизнинг боқий қадриятлари, бағрикенглик, ҳамжиҳатлик ва дўст-биродарликдир.
Бизнинг диёримизда ўзбеклар, қорақалпоқлар билан бир оға-инидай бўлиб 130 дан зиёд турли миллат вакиллари истиқомат қилишади. Шу Ватанни гуллаб-яшнаган, озод ва фаровон ўлкага айлантириш, фуқароларнинг обод турмуш кечиришларига эришишдек буюк мақсад йўлида бирдамлик билан меҳнат қилаётган турли миллат вакилларининг ҳам азалий қадриятларига ҳурмат билан қаралиши лозимлиги мамла-катимизнинг Асосий Қонуни – Конституциясида ҳам белгилаб қўйилган. Бу турмушимизда ўзининг амалий ифодасини топмоқда.
Бизнинг "Дўстлик” маҳалламизда 3500 нафараҳоли 875 та оиладаистиқомат қилади. Уларнинг 3276 нафари ўзбеклар, 185 нафариқозоқлар, 42 нафари қорақалпоқлар, 14 нафари туркманлар, 12 нафари руслар, 6 нафарикорейслар ва бошқа турлимиллат вакилларидир.
Шуниси қувонарлики, аҳолининг қувонч-ташвиши, тўй-маъракасибир, бир-бирларибилан худди яқин қариндошдек аҳил-иноқ. Ўзбекнинг тўйида қозоғ-у рус, қорақалпоқ хизмат қилса, корейснинг тўй-маъракаларидаги урф-одатлари билан ҳам таниш, барча ташвишларини бирга елкалайдилар. Бир қарашда бу сўзларимнинг муболағаси бордай туюлсада, асли ҳақиқат ва мамлакатимизнинг барча ҳудудларида ҳам ана шундай турмуш тарзи ҳукмрон.
Миллатлараро ҳамжиҳатлик, дўст-биродарлик туйғулари турмушимиздан кенг жой олаётгани муҳим саналарга бағишлаб ўтказиладиган улкан театрлаштирилган байрам томошаларида ҳам ўз ифодасини топаётир. Туманимизнинг кўп миллатли аҳолиси байрам тантаналарида фаол иштирок этишиб, бу томошалардан янада янги марраларни забт этиш учун куч-рағбат оладилар.
Шубҳасиз, биз нишонлашга қизғин ҳозирлик кўраётганимиз - Истиқлол байрами фуқароларимизнинг қалбидаги мустақилликнинг қадр-қимматини янада теранроқ англашига, 24 йиллик тарихан қисқа даврда юртимизда амалга оширилган улкан ютуқларнинг, улуғвор ўзгаришларнинг туб асоси тинчлик ва осойишталик эканлигини чуқур идрок этишига замин бўлади, мустақиллик деган буюк неъматни янада қадрлашга, асрашга ундайди.
Фурсатдан фойдаланиб, маҳалламизнинг бир оила фарзандларидай аҳил аҳолисини, туманимиз фуқароларини мустақиллигимизнинг 24 йиллиги билан қизғин қутлайман.
Абдушариф ЖУМАНАЗАРОВ, "Дўстлик” МФЙ раиси
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
