KUChIMIZ – DOʻST-BIRODARLIKDA

Mustaqillik xalqimizning oʻzligini anglashiga, otameros urf-odatlar, anʼanalar va qadriyatlarini qayta tiklab, turmushimizdan joy olishiga imkon berdi.

Istiqlol yillarida mamlakatimizda erishilgan ulugʻvor bunyodkorliklarning, iqtisodiy yuksalishlarning va farovonlikning muhim asoslaridan biri xalqimizning boqiy qadriyatlari, bagʻrikenglik, hamjihatlik va doʻst-birodarlikdir.

Bizning diyorimizda oʻzbeklar, qoraqalpoqlar bilan bir ogʻa-iniday boʻlib  130 dan ziyod turli millat vakillari istiqomat qilishadi. Shu Vatanni gullab-yashnagan, ozod va farovon oʻlkaga aylantirish, fuqarolarning obod turmush kechirishlariga erishishdek buyuk maqsad yoʻlida birdamlik bilan mehnat qilayotgan turli millat vakillarining ham azaliy qadriyatlariga hurmat bilan qaralishi lozimligi mamla-katimizning Asosiy Qonuni – Konstitutsiyasida ham belgilab qoʻyilgan. Bu turmushimizda oʻzining amaliy ifodasini topmoqda.

Bizning "Doʻstlik” mahallamizda 3500 nafaraholi 875 ta oiladaistiqomat qiladi. Ularning 3276 nafari oʻzbeklar, 185 nafariqozoqlar, 42 nafari qoraqalpoqlar, 14 nafari turkmanlar, 12 nafari ruslar, 6 nafarikoreyslar va boshqa turlimillat vakillaridir.

Shunisi quvonarliki, aholining quvonch-tashvishi, toʻy-maʼrakasibir, bir-birlaribilan xuddi yaqin qarindoshdek ahil-inoq. Oʻzbekning toʻyida qozogʻ-u rus, qoraqalpoq xizmat qilsa, koreysning toʻy-maʼrakalaridagi urf-odatlari bilan ham tanish, barcha tashvishlarini birga yelkalaydilar. Bir qarashda bu soʻzlarimning mubolagʻasi borday tuyulsada, asli haqiqat va mamlakatimizning barcha hududlarida ham ana shunday turmush tarzi hukmron.

Millatlararo hamjihatlik, doʻst-birodarlik tuygʻulari turmushimizdan keng joy olayotgani muhim sanalarga bagʻishlab oʻtkaziladigan ulkan teatrlashtirilgan bayram tomoshalarida ham oʻz ifodasini topayotir. Tumanimizning koʻp millatli aholisi bayram tantanalarida faol ishtirok etishib, bu tomoshalardan yanada yangi marralarni zabt etish uchun kuch-ragʻbat oladilar.

Shubhasiz, biz nishonlashga qizgʻin hozirlik koʻrayotganimiz - Istiqlol bayrami fuqarolarimizning qalbidagi mustaqillikning qadr-qimmatini yanada teranroq anglashiga, 24 yillik tarixan qisqa davrda yurtimizda amalga oshirilgan ulkan yutuqlarning, ulugʻvor oʻzgarishlarning tub asosi tinchlik va osoyishtalik ekanligini chuqur idrok etishiga zamin boʻladi, mustaqillik degan buyuk neʼmatni yanada qadrlashga, asrashga undaydi.

Fursatdan foydalanib, mahallamizning bir oila farzandlariday ahil aholisini, tumanimiz fuqarolarini mustaqilligimizning 24 yilligi bilan qizgʻin qutlayman.

Abdusharif JUMANAZAROV, "Doʻstlik” MFY raisi