Ғамўрликка жавобан
Мен бундан 10 йил аввал Тошкент шаҳридаги "Машҳура” фирмаси маъмурияти ва туманимиз ҳокимлигининг қўллаб-қувватлаши туфайли туманимизда "Машҳура” фирмасининг филиалини ташкил қилганман. Шу даврда 25 миллион сўмлик банк кредити асосида ўз хусусий корхонамнинг ишини йўлга қўйдим. Бир қанча ёш қиз-келинларни иш билан таъминладим, йилига юзлаб аёл-қизларга чеварликнинг нозик сирлари юзасидан машғулотлар олиб бордим.
"Машҳура” фирмасининг филиалида таҳсил олган собиқ шогирдларимнинг кўпчилиги ўз бизнес лойиҳаларини ишлаб чиқиб, хусусий корхона эгалари сифатида шаклланганлар.
Мамлакатимизда кичик бизнес ва хусусий тадбиркорликни ривожлантиришга алоҳида эътибор берилаётгани жойларда кўплаб иш ўринларининг яратилишига сабабчи бўлмоқда. Биргина бизнинг туманимизда 2014 йилда 104 нафар аёл-қизга 1 миллиард сўмлик имтиёзли кредитлар берилди. Бу – давлатимиз томонидан тадбиркорлик билан шуғулланишга қизиқаётган аёл-қизларимизга кўрсатилаётган ғамхўрликнинг ёрқин бир намунасидир.
Мен айни кунда хусусий тикувчилик корхонасига раҳбарлик қилаяпман. 2009 йилда ташкил қилинган бу корхонада 5 киши меҳнат қиламиз. Тикувчилик ишларини сифатли бажараётганлигимиз туфайли мижозларимиз сони кун сайин кўпайиб бормоқда. Бизнинг корхонамизда 10 та тикув машиналари ўрнатилган бўлиб, уларнинг 5 тасидан тикувчилик касбини ўрганишга ихлос қўйган шогирдларим фойдаланишади.
Биз – тадбиркорлар давлатимиз томонидан кўрсатилаётган ғамхўрликларга жавобан аҳолига сифатли хизмат кўрсатишга, шогирдларимиз сонини кўпайтиришга эътиборни янада кучайтирамиз.
Тамара
ЮСУПОВА, тадбиркор,
"Тамара - Феруза” хусусий корхонаси раҳбари.
Мақола
Ўзбекистон Республикаси Олий Мажлиси ҳузуридаги Нодавлат нотижорат
ташкилотларини ва фуқаролик жамиятининг бошқа институтларини
қўллаб-қувватлаш Жамоат фонди томонидан молиялаштирилган лойиҳа
доирасида эълон қилинди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
