Хитойликлар делегацияси туманимиз тадбиркорлари билан учрашди
Мамлакатимиз иқтисодиётига тўғридан-тўғри хорижий инвестицияларни жалб қилиш фаолияти самарадорлигини ошириш, хорижий инвесторларни мамлакатимиз имкониятлари ва салоҳияти тўғрисида хабардор қилиш, хорижий инвестицияларни жалб этиш ва ўзлаштириш соҳасида давлат ва хўжалик бошқаруви органлари, маҳаллий ижро ҳокимияти органлари фаолиятини мувофиқлаштириш борасида кенг кўламли ишлар амалга оширилмоқда. Чет эл инвестицияларини жалб қилиш – Ўзбекистоннинг барқарор иқтисодий ўсиши учун муҳим омил ҳисобланади.
Жорий йилнинг 24 март санасида Амударё тумани ҳокимлигининг мажлислар залида Хитой давлатидан келган ишбилармон доиралар вакиллари амударёлик тадбиркорлар билан учрашуви ташкил этилди. Учрашувда туман ҳокими Собир Хўжаметов, ҳоким ўринбосарлари, бўлимлар бошлиқлари, маҳаллаларда тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчилари ҳамда ташаббускор тадбиркорлар иштирок этдилар.
Унда туман ҳокими Собир Хўжаметов сўзга чиқиб, учрашувнинг асосий мақсади ва хитойлик ишбилармонлар билан ҳамкорлик туманимиз иқтисодий ўсишидаги аҳамияти хусусида сўз юритди.
Маълумотларда келтирилишича, Хитой инвестицияларининг асосий қисми саноат, технология ва энергетика соҳаларига йўналтирилган. Ҳамкорлик нафақат инвестицияларни жалб қилиш, балки янги технологиялар ва иш ўринлари яратишга ҳам хизмат қилади. Охирги уч йилда Хитой инвестицияларининг 62 фоизи саноатга, 11 фоизи ёқилғи-энергетика секторига, 4 фоизи қишлоқ хўжалигига, қолган қисми эса бошқа соҳаларга тақсимланган.
Хитойликлар томонидан юртимизда энергетика соҳасида муқобил манбаларга инвестициялар киритилмоқда. Ўзбекистон қайта тикланувчи энергетикани фаол ривожлантирмоқда. Хитой қуёш ва шамол электр ускуналари ишлаб чиқаришда дунё етакчиси ҳисобланади. Ўзбекистонда 9 млрд доллар қийматидаги 20 дан ортиқ энергетика лойиҳалари Хитой компаниялари иштирокида амалга оширилмоқда ва уларда асосан маҳаллий мутахассислар ишламоқда.
Учрашувда Хитойлик делегация аъзолари туманимиз тадбиркорлари билан янги алоқалар ва ҳамкорлик ўрнатиш, янги қўшма лойиҳалар ва савдо шартномаларини амалга ошириш мақсадида туманимизга ташриф буюришгани хусусида сўз юритилди. Унда ҳоким ёрдамчилари ва тадбиркорлар ўзларини қизиқтирган саволларга жавоблар олдилар.
Мазкур учрашув амударёлик тадбиркорларнинг ташаббусларини, лойиҳаларини қўллаб-қувватлаш учун инвестор, ишлаб чиқараётган маҳсулотларига харидор топишда ҳамда Хитой давлатидан тўғридан-тўғри асбоб-ускуна олиб келиш борасидаги масалаларини ижобий ҳал этишда муҳим аҳамият касб этиши шубҳасиз.
Чарос Арслонова, туман ҳокимлигининг Ахборот хизмати раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
