ODAM SAVDOSI – OFIR JINOYaT
Odam savdosi – insoniyatga jiddiy xavf solayotgan muammolardan biridir. Ushbu xavfni bartaraf etishga nafaqat huquqni muhofaza qiluvchi idoralar, balki keng jamoatchilik ham jalb etilgan. Shu oʻrinda aytish joizki, inson huquqlari va erkinliklarini kafolatlash va taʼminlash jamiyatimizning eng ustuvor tamoyiliga aylangan.
Turli yoshdagi fuqarolar, ayollar va bolalar, chaqaloqlar ushbu qabih jinoyatning qurboni boʻlishmoqda. Yurtimizda odam savdosiga oid noqonuniy harakatlarga qarshi tadbirlar, davlat va jamoat organlari tomonidan bajariladigan eng muhim vazifalar yoʻlga qoʻyilgan. Oʻzbekiston insonparvar demokratik davlat sifatida umumeʼtirof etilgan xalqaro norma va qoidalarni oʻz milliy huquq tizimiga keng joriy qilish yoʻlini tutadi. Oʻzbekiston Respublikasi Jinoyat Kodeksining 135-moddasiga koʻra, odam savdosi, yaʼni odamni olish-sotish yoxud odamni undan foydalanish maqsadida yollash, tashish, topshirish, yashirish yoki qabul qilish kabi jinoyatlar ozodlikni cheklash yoxud ozodlikdan mahrum qilish bilan jazolanadi.
Bunday jinoyatlarning oldini olishda mehnat jamoalarida, mahallalarda profilaktika maqsadida yigʻilishlar oʻtkazish, sodir etilgan jinoyatlarning sabablarini va ularning oqibatlarini fuqarolarga yetkazib turilishini taʼminlash muhim ahamiyat kasb etadi. Shuningdek, uning har qanday koʻrinishiga qarshi kurashish xalqaro darajada jiddiy yondashuv va oʻzaro huquqiy hamkorlikni yoʻlga qoʻygan holda amalga oshirilsa ijobiy samara beradi.
S.DAVLETMURODOV,
Qoraqalpogʻiston Respublikasi sudi sudyasi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
