ОДАМ САВДОСИ – ОFИР ЖИНОЯТ
Одам савдоси – инсониятга жиддий хавф солаётган муаммолардан биридир. Ушбу хавфни бартараф этишга нафақат ҳуқуқни муҳофаза қилувчи идоралар, балки кенг жамоатчилик ҳам жалб этилган. Шу ўринда айтиш жоизки, инсон ҳуқуқлари ва эркинликларини кафолатлаш ва таъминлаш жамиятимизнинг энг устувор тамойилига айланган.
Турли ёшдаги фуқаролар, аёллар ва болалар, чақалоқлар ушбу қабиҳ жиноятнинг қурбони бўлишмоқда. Юртимизда одам савдосига оид ноқонуний ҳаракатларга қарши тадбирлар, давлат ва жамоат органлари томонидан бажариладиган энг муҳим вазифалар йўлга қўйилган. Ўзбекистон инсонпарвар демократик давлат сифатида умумэътироф этилган халқаро норма ва қоидаларни ўз миллий ҳуқуқ тизимига кенг жорий қилиш йўлини тутади. Ўзбекистон Республикаси Жиноят Кодексининг 135-моддасига кўра, одам савдоси, яъни одамни олиш-сотиш ёхуд одамни ундан фойдаланиш мақсадида ёллаш, ташиш, топшириш, яшириш ёки қабул қилиш каби жиноятлар озодликни чеклаш ёхуд озодликдан маҳрум қилиш билан жазоланади.
Бундай жиноятларнинг олдини олишда меҳнат жамоаларида, маҳаллаларда профилактика мақсадида йиғилишлар ўтказиш, содир этилган жиноятларнинг сабабларини ва уларнинг оқибатларини фуқароларга етказиб турилишини таъминлаш муҳим аҳамият касб этади. Шунингдек, унинг ҳар қандай кўринишига қарши курашиш халқаро даражада жиддий ёндашув ва ўзаро ҳуқуқий ҳамкорликни йўлга қўйган ҳолда амалга оширилса ижобий самара беради.
С.ДАВЛЕТМУРОДОВ,
Қорақалпоғистон Республикаси суди судьяси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
