Savol bering, javob beramiz
Savol:
Mamlakatimizda xalq badiiy hunarmandchiligi va amaliy sanʼatini rivojlantirishni yanada qoʻllab-quvvatlash borasida amalga oshirilayotgan ishlar haqida koʻp eshitganmiz.
Biz uy sharoitida xalq badiiy hunarmandchiligi va amaliy sanʼati buyumlarini ishlab chiqarish va ularni sotish bilan shugʻullanuvchi yakka tadbirkorlar uchun belgilangan imtiyozlar haqida kamroq tushunchaga egamiz. Shular haqida batafsilroq maʼlumot bersangiz?
Sh.Jumaniyozov,
Mangʻit shahri.
Javob:
Mustaqillik yillarida mamlakatimizda tadbirkorlik va hunarmandchilik faoliyatini rivojlantirishga alohida eʼtibor berilmoqda. Jumladan Oʻzbekiston Republikasi Prezidenti tomonidan ushbu masala boʻyicha qator Farmonlar qabul qilindi.
Muhtaram Prezidentimizning 2005-yil 28-martdagi "Xalq badiiy hunarmandchiligi va amaliy sanʼatini rivojlantirishni yanada qoʻllab-quvvatlash toʻgʻrisida”gi PF-3588-sonli, 2008-yil 1-apreldagi "Xalq badiiy hunarmandchiligi va amaliy sanʼatini rivojlantirishni ragʻbatlantirishga oid qoʻshimcha chora-tadbirlar toʻgʻrisida”gi PF-3983-sonli hamda 2010-yil 30-martdagi "Xalq badiiy hunarmandchiligi va amaliy sanʼatini rivojlantirishni yanada qoʻllab-quvvatlash toʻgʻrisida”gi PF-4210-sonli Farmonlariga asosan xalq badiiy hunarmandchiligi va amaliy sanʼatini rivojlantirishni yanada qoʻllab-quvvatlash, xalq ijodiyoti sohasiga aholining keng qatlamini, shu jumladan, yoshlarni keng jalb etish uchun qulay shart-sharoitlarni taʼminlash maqsadida uy sharoitida xalq badiiy hunarmandchiligi va amaliy sanʼati buyumlarini ishlab chiqarish boʻyicha yakka tartibdagi mehnat faoliyati bilan band boʻlgan shaxslar tomonidan qatʼiy belgilangan soliqni toʻlash yuzasidan soliq imtiyozining amal qilish muddati "Hunarmand” uyushmasiga aʼzo boʻlgan yakka tartibdagi tadbirkorlar uchun 2017 yilning 1-yanvarigacha belgilangan. Shuningdek, oilaviy korxonalar ham xalq badiiy hunarmandchiligi va qoʻlda ishlangan amaliy sanʼat buyumlarini sotishdan olinadigan daromad soligʻidan 2017-yilning 1-yanvariga qadar ozod etilgan.
Hozirgi kunda bizning tumanimizda 10 nafar yogʻoch ustasi va 2 nafar temirchi usta mana shunday imtiyozlardan foydalanmoqdalar.
Yana bir bor qayd qilamanki, "Hunarmand” uyushmasiga aʼzo boʻlgan kishilar har oyda toʻlanishi kerak boʻlgan 48052 soʻm 50 tiyin (eng kam ish haqining 50 foizi) miqdoridagi soliqni toʻlashdan ozod etiladilar.
Bunday imtiyozlardan foydalanishni xohlaganlar tuman Davlat soliq inspektsiyasidan batafsil yoʻl-yoʻriqlar olishlari mumkin.
Oʻrinboy OʻRAZMETOV,
tuman DSI boshligʻining oʻrinbosari
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
