Савол беринг, жавоб берамиз
Савол:
Мамлакатимизда халқ бадиий ҳунармандчилиги ва амалий санъатини ривожлантиришни янада қўллаб-қувватлаш борасида амалга оширилаётган ишлар ҳақида кўп эшитганмиз.
Биз уй шароитида халқ бадиий ҳунармандчилиги ва амалий санъати буюмларини ишлаб чиқариш ва уларни сотиш билан шуғулланувчи якка тадбиркорлар учун белгиланган имтиёзлар ҳақида камроқ тушунчага эгамиз. Шулар ҳақида батафсилроқ маълумот берсангиз?
Ш.Жуманиёзов,
Манғит шаҳри.
Жавоб:
Мустақиллик йилларида мамлакатимизда тадбиркорлик ва ҳунармандчилик фаолиятини ривожлантиришга алоҳида эътибор берилмоқда. Жумладан Ўзбекистон Републикаси Президенти томонидан ушбу масала бўйича қатор Фармонлар қабул қилинди.
Муҳтарам Президентимизнинг 2005 йил 28 мартдаги "Халқ бадиий ҳунармандчилиги ва амалий санъатини ривожлантиришни янада қўллаб-қувватлаш тўғрисида”ги ПФ-3588-сонли, 2008 йил 1 апрелдаги "Халқ бадиий ҳунармандчилиги ва амалий санъатини ривожлантиришни рағбатлантиришга оид қўшимча чора-тадбирлар тўғрисида”ги ПФ-3983-сонли ҳамда 2010 йил 30 мартдаги "Халқ бадиий ҳунармандчилиги ва амалий санъатини ривожлантиришни янада қўллаб-қувватлаш тўғрисида”ги ПФ-4210-сонли Фармонларига асосан халқ бадиий ҳунармандчилиги ва амалий санъатини ривожлантиришни янада қўллаб-қувватлаш, халқ ижодиёти соҳасига аҳолининг кенг қатламини, шу жумладан, ёшларни кенг жалб этиш учун қулай шарт-шароитларни таъминлаш мақсадида уй шароитида халқ бадиий ҳунармандчилиги ва амалий санъати буюмларини ишлаб чиқариш бўйича якка тартибдаги меҳнат фаолияти билан банд бўлган шахслар томонидан қатъий белгиланган солиқни тўлаш юзасидан солиқ имтиёзининг амал қилиш муддати "Ҳунарманд” уюшмасига аъзо бўлган якка тартибдаги тадбиркорлар учун 2017 йилнинг 1 январигача белгиланган. Шунингдек, оилавий корхоналар ҳам халқ бадиий ҳунармандчилиги ва қўлда ишланган амалий санъат буюмларини сотишдан олинадиган даромад солиғидан 2017 йилнинг 1 январига қадар озод этилган.
Ҳозирги кунда бизнинг туманимизда 10 нафар ёғоч устаси ва 2 нафар темирчи уста мана шундай имтиёзлардан фойдаланмоқдалар.
Яна бир бор қайд қиламанки, "Ҳунарманд” уюшмасига аъзо бўлган кишилар ҳар ойда тўланиши керак бўлган 48052 сўм 50 тийин (энг кам иш ҳақининг 50 фоизи) миқдоридаги солиқни тўлашдан озод этиладилар.
Бундай имтиёзлардан фойдаланишни хоҳлаганлар туман Давлат солиқ инспекциясидан батафсил йўл-йўриқлар олишлари мумкин.
Ўринбой ЎРАЗМЕТОВ,
туман ДСИ бошлиғининг ўринбосари
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
