Iqtisodiyot
👁 2,628
Baliqchilik – serdaromad soha
Prezidentimiz Islom Karimov rahnamoligida oziq-ovqat
mahsulotlari ishlab chiqarishni yanada rivojlantirish borasida amalga
oshirilayotgan izchil islohotlar samarasida xalqimizning sifatli baliq
mahsulotlariga boʻlgan ehtiyoji taʼminlanmoqda.
Qoraqalpogʻiston Respublikasida joriy yilda tabiiy koʻllarda 1 ming
700 tonna, sunʼiy suv havzalarida esa 1 ming 500 tonna baliq yetishtirish
rejalashtirilgan.
Mintaqada baliqchilik sohasini yanada rivojlantirish maqsadida joriy
yilda 53 loyiha amalga oshirilishi kutilmoqda. Shulardan 6 tasi Amudaryo
tumaniga toʻgʻri keladi.
Tumandagi "Shoʻrkoʻl-Mahkam” masʼuliyati cheklangan jamiyati aʼzolari
aholining baliq mahsulotlariga boʻlgan talabini qondirish, sohaga intensiv
usullarni joriy etish, baliq yetishtirishda ilgʻor texnologiyalarni qoʻllash
borasida muhim chora-tadbirlarni amalga oshirmoqda.
– Qilgan mehnatlarimiz zoye ketmadi, – deydi "Shoʻrkoʻl-Mahkam” MChJ
rahbari R.Imomiddinova. – Hozir 9 turdagi baliq parvarishlamoqdamiz.
Sohani yanada rivojlantirish uchun intensiv usulda baliq yetishtirishni yoʻlga
qoʻydik, baliqchilik xoʻjaliklariga shartnoma asosida chovoq ham yetishtirib
bermoqdamiz.
Tumandagi Doʻrmon qishloq xoʻjalik kasb-hunar kolleji bilan tuzilgan
shartnoma asosida kollej oʻquvchilari xoʻjalikda ishlab chiqarish amaliyotini
oʻtaydi.
– Kollejda olgan nazariy bilimlarimni shu yerda sinab koʻrib, yanada
mustahkamladim, – deydi Doniyor Qodirov. – Baliqni koʻpaytirish, turlariga
qarab oziqlantirish texnologiyalarini oʻrgandik. Men ham kelajakda
baliqchilik xoʻjaligini tashkil etmoqchiman.
OʻzA, A.Ortiqboyev
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
