MADANIYaT SOHASINI RIVOJLANTIRISh DAVLAT TOMONIDAN QOʻLLAB-QUVVATLANDI
Shu yil 20-yanvarda Prezidentimiz tomonidan “Madaniy faoliyat va madaniyat tashkilotlari toʻgʻrisida”gi Oʻzbekiston Respublikasi Qonuni imzolandi. Ushbu Qonun tom maʼnoda madaniyat sohasi uchun tarixiy hujjat boʻlib, sohada koʻp ijobiy oʻzgarishlar qilinishiga asos boʻla oladi.
Qonun bilan madaniy faoliyat sohasidagi davlat siyosatini roʻyobga chiqarishni amalga oshiruvchi organlarning vakolatlari belgilandi. Taʼkidlash joizki, madaniyat sohasidagi munosabatlarni tartibga solish, madaniyat va sanʼat muassasalari, ijodiy uyushma va birlashmalarning huquqiy maqomi, ijodkorlarni ijtimoiy himoya qilishga qaratilgan yagona huquqiy baza yaratilmagani turli eʼtirozlarga sabab boʻlayotgandi. Bunga javoban mazkur Qonun sohadagi huquqiy boʻshliqni toʻldirishga xizmat qiladi.
Endilikda har bir shaxs madaniy faoliyat sohasida mulk huquqiga ega. Mulk huquqi tarixiy, ilmiy, badiiy yoki oʻzgacha madaniy qimmatga ega boʻlgan ashyolarga, shuningdek, moddiy madaniy meros obʼektlariga nisbatan tatbiq etilishi mumkin. Madaniyat tashkilotlari madaniy faoliyatning turlariga qarab, madaniy-tomosha, madaniy-maʼrifiy, boshqa madaniyat toifalariga boʻlinishi mumkin. Shuningdek, mazkur Qonunga madaniyat sohasidagi asosiy huquq va majburiyatlar, mualliflik huquqi va turdosh huquqlar, madaniyat sohasida xalqaro hamkorlik, teatr, tsirk, madaniyat markazlarining faoliyatiga doir va boshqa bir qator sohaga oid masalalar aks etgan moddalar kiritildi.
Aholining maʼnaviy-estetik ehtiyojlarini qondira olish uchun qulay sharoit yaratish, xususan, madaniy tadbir oʻtkazish, ijodkorlarni va ijodiy faoliyatni qoʻllab-quvvatlash va shu kabilar aynan madaniyat tashkilotlarining vazifasidir. Ushbu Qonun madaniy faoliyat, shuningdek, madaniyat tashkilotlari faoliyati sohasidagi munosabatlarni tartibga solishda muhim huquqiy asos boʻlib xizmat qiladi.
Sh.Yusupov,
tuman Madaniyat boʻlimi mudiri.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
