TEXNIKALAP SOZLIGI HOSIL SIFATI YuQOPI BOʻLIShINI TAʼMINLADI

Tumanimiz gʻallachilik xoʻjaliklarida moʻl hosil yetishtirilishida sektorlar rahbarlari tomonidan olib borilgan nazorat tadbirlari muhim ahamiyat kasb etdi. Har bir sektor rahbari oʻziga berkitilgan hududlardagi gʻallachilik fermr xoʻjaliklarida 2020-yilgi gʻalla hosili uchun kuzgi bugʻdoy ekish mavsumidan to bugʻdoy oʻrim-yigʻimi mavsumiga qadar bugʻdoy ekilgan maydonlar holatini oʻrganish, agrotexnik tadbirlarni oʻz vaqtida oʻtkazish, agar bu borada muammolar tugʻilsa, joyiga chiqib hal etish, bugʻdoy parvarishi bilan band kishilarga zarur maslahat va tavsiyalar berish kabi ishlarni belgilangan jadval asosida yuritganlari bois, 4 ta sektor hududidagi bugʻdoyzorlarda moʻl hosil toʻplandi.

Tuman hokimi S.Yoʻldashev rahbarligidagi 1-sektor hududiga kiruvchi Doʻstlik, Qipchoq, Qangli MMTP mutaxassislari tomonidan har bir dalaning xoʻjalik xaritasidagi oʻrni, meliorativ holati puxta oʻrganilib, barcha agrotexnik tadbirlar sifatli olib borildi. Xususan, Doʻstlik MMTP tasarrufidagi 21 ta fermer xoʻjaligining har biriga kuzgi bugʻdoyni ekish davridan to hosil pishib-yetilgunga qadar malakali mutaxassislar biriktirilib, yerlarning shoʻrlanish darajalari, tuproq tarkibi puxta oʻrganildi va urugʻ oʻz vaqtida ekildi. Natijada MMTP tasarrufidagi 247 gektar maydondagi gʻallazorlarda moʻl hosil yetishtirildi. Oʻrtacha har gektar hisobiga 55-60 tsentnerdan hosil olgan “Polvonovul”, “Oʻtaboyev Ahmad”, “Jayxun - Choykoʻl”, “Soatboy Gaipov” fermer xoʻjaliklarida esa hosildorlik bundan ham yuqori boʻldi. Doʻstlik MMTP tasarrufidagi gʻallachilik fermer xoʻjaliklariga texnik xizmat koʻrsatish ishlarini omilkorlik  bilan tashkil etganliklari tufayli, ayni kunda uyilgan “qirmizi don” xirmoni 571 tonnadan oshib ketdi. Shartnomaviy reja esa oshirib ado etildi.

Mazkur sektor hududidagi Qipchoq MMTP esa hududdagi 13 ta gʻallachilik  fermer xoʻjaliklariga texnik xizmat koʻrsatadi. Qipchoqlik gʻallakorlar 2020-yil hosili uchun 163 gektar yerga kuzgi bugʻdoy ekdilar. Oʻz vaqtida oziqlantirilib, barcha agrotexnik tadbirlar maromida oʻtkazilgan dalalarda hosil moʻl boʻldi. “Jumaniyazov Arzimbat”, “Haytimbetov Sulton”, “Tursunboyeva Umida” “Ismoilov Poʻlatbek”, “Oʻrozboyev Doston” fermer xoʻjaliklarida oʻrim-yigʻim ishlari  tumanda birinchilar qatorida boshlab yuborildi va mazkur xoʻjaliklarning har birida hosildorlik gektar boshiga 60-70 tsentnerga yetkazildi. Jami bugʻdoy ekilgan 163 gektar yerning har gektaridan koʻtarilgan xirmon oʻrtacha 30-32 tsentnerdan toʻgʻri keldi va qipchoqliklar ona Vatan xazinasiga 432 tonna yuqori sifatli gʻalla mahsuloti yetkazib berdilar. Kombayn haydovchilari Akmal Atamurodov va Pashid Aytboyevlar har kuni 55-60 tonna bugʻdoy hosilini oʻrib-yigʻib berishdi. MMTP tomonidan yanchilgan bugʻdoyni “Taxiatosh don” mahsulotlari AJning “Mangʻit don” filiali saqlov omborxonalariga nest-nobud qilmay tashishga alohida eʼtibor qaratildi. Yuk mashinalari oʻrim-yigʻim texnikasining bir maromda ishlashi taʼminlandi.

Yuk-transport mashinasi haydovchilari Gʻulomjon Jumaboyev va Pahmatjon Qozoqovlar bu borada faollik koʻrsatdilar.

Qangli MMTP hududdagi 25 ta fermer xoʻjaligiga texnik xizmat koʻrsatadi. Gʻallani ekishdan tortib oʻrib-yigʻib olgunchaga boʻlgan davr mobaynida barcha agrotexnik tadbirlarning risoladagidek olib borilishini taʼminlash maqsadida 206 gektar maydondagi gʻallazorlar atrofidagi dala yoʻllari tekislanib, sugʻorish shoxobchalari oʻz vaqtida tartibga keltirildi. Natijada MMTP xizmat koʻrsatuvchi hududlardagi fermer xoʻjaliklarida gʻallani ekish, parvarishlash, oʻz vaqtida oʻrib-yigʻib, davlatga topshirish borasida muammo boʻlmadi. 2020-yil hosilini oʻrib-yigʻib, isrofgarchiliklarsiz qabul maskanlariga tashish ishlari ham aniq rejaviy jadval asosida olib borildi. Natijada qanglilik gʻallakor fermerlar 447,5 tonnalik yuqori sifatli “qirmizi don” xirmonini bunyod etishib, zimmalaridagi shartnomaviy rejalarini munosib ado etdilar. Kombayn haydovchilar Alisher Nurmanbetov, Akmal Kamolov va Islom Boltaboyevlar, hosilni “Mangʻit don” filiali omborlariga talofatsiz yetkazishda yuk mashinasi haydovchilari Akmal Allaniyozov, Ulugʻbek Abdullayevlarning xizmatlari katta boʻldi. “Jalgʻash Abduxoliqov”, “Begzod-Gʻanisher”, “Allamberganov Ulugʻbek”, “Charosxon-Yulduzxon” fermer xoʻjaliklari birinchilardan boʻlib shartnomaviy rejalarini sharaf bilan bajarishdi.

Shuningdek, Qilichboy MMTP hududidagi “Nurimbetov Xudoybergan” urugʻchilik fermer xoʻjaligining umumiy yer maydoni 107,4 gektar boʻlib, umumiy ekin maydoni 74,5 gektardan iborat. Shundan 10 gektariga gʻalla ekilgan. Yaxshi parvarish qilingan gʻalla maydonlaridagi hosildorlik 21 tsentnerga yetkazildi. Olingan yalpi hosil esa 21,1 tonnaga yetdi.

Mazkur MMTPlar texnik xizmat koʻrsatadigan fermer xoʻjaliklari gʻallakorlarining kayfiyatlari baland. Chunki 2020-yil uchun davlat resurslariga boshoqli don xarid qilish (qoʻshimcha qiymat soligʻi bilan) 1 tonna bugʻdoy uchun 2 mln. 543 ming 180 soʻm qilib belgilandi. Vaholanki, bu narx 2019-yilda 1 mln. 200 ming soʻm edi.

Ayni kunda barcha fermer xoʻjaliklari, ayniqsa, Doʻstlik, Qipchoq, Qangli va Qilichboy MMTPlar tasarrufidagi fermer xoʻjaliklarining gʻalladan boʻshagan maydonlarini takroriy ekin ekishga tayyorlash, ayrim fermer xoʻjaliklarida esa koʻchatlab sholi va boshqa ekin turlarini ekish ishlari jadallik bilan olib borilmoqda. MMTPlarning muhandis-texnik xodimlari, chilangar va ustalari texnikalarning toʻxtovsiz va sifatli ishlashlarini taʼminlashmoqda.

Pobiya YOʻLDOShEVA.