ChOYKOʻLLIKLAP KAPANTIN DAVPIDA HAM OBODLIK, FAPOVONLIK UChUN INTILMOQDALAP

Choykoʻl ovulida 1000 dan ziyod xonadonlarda 7 mingga yaqin aholi yashaydi.

Ularning orasida turli kasb egalari, ovul fayzi-farishtalari boʻlgan nuroniy keksalar, tadbirkorlar va ilm olish sari dadil intilib, koʻpgina yutuqlarga erishayotgan yoshlar bor.

Ovul 2019-yilda “Obod qishloq” dasturi asosida koʻpgina qurilish-taʼmirlash ishlari olib borilganligi, yoʻlaklar asfaltlanib, hududi obodonlashtirilib, koʻkalamzorlashtirilgani tufayli oʻzgacha fayzga ega boʻldi. Mehnatkash, qoʻni-qoʻshnichilik aloqalari, mehr-oqibati mustahkam aholi bugungi kunda  butun dunyoni larzaga solayotgan koronavirus infektsiyasi tarqalishi munosabati bilan mamlakatimizda joriy etilgan karantin qoidalariga qatʼiy amal qilishmoqda. Pandemiya davrida hududda karantin qoidalariga zid holatlar, yaʼni toʻy-marosimlar berish,  ishi toʻxtatilgan korxona-tashkilotlarning faoliyat koʻrsatishi kabi holatlar sodir etilmadi.

Ovul masʼullarining bu borada aholi orasida tushuntirish-targʻibot ishlarini yaxshi olib borishgani tufayli aholi uyda qolib daromad topish, chorva va parranda parvarishlash bilan bir qatorda tomorqa yerlaridan moʻl hosil undirish niyatida mehnat qilishmoqda.

Karantin tufayli ayrim kasblar faoliyati vaqtincha toʻxtatilgani bois, oilalarda iqtisodiy qiyinchiliklarga uchrayotgan ehtiyojmand oilalar ahvoli oʻrganilib, roʻyxati shakllantirildi. Bunga koʻra 26 ta kam taʼminlangan oilalarni ovul tadbirkorlari ijtimoiy himoya qilib kelishayapti.

Shu kungacha “Saxovat va koʻmak” umumxalq harakati doirasida 71 ta oilalarga jami 15 million 500 ming soʻmlikdan ziyod oziq-ovqat mahsulotlari tarqatib berildi.

Dehqonchilikda koʻp yillik tajribaga ega, el dasturxoni toʻkin-sochinligiga hissa qoʻshib kelayotgan Bibirabo Bobojonova, Omongul Doʻsmurodova, Muborak Gulmirzayeva, Moʻmin Eshmurodov, Pustam Bobojonov, Komil Norboyevlar oʻz xonadonlarida tashkil etgan issiqxonalarida ertagi sabzavotlar yetishtirishib, oilasidan ortganini hamqishloqlari bilan baham koʻrishmoqda.

Joriy yilda Zumrad Jabborova ham oilasi tomorqasining  7 sotixlik joyida zamonaviy issiqxona barpo etdi. Hozir ushbu issiqxonada bodring, pomidorlar yetilay deb turibdi. Shuningdek, Mahmudjon Norboyev ham yaxshi niyatlar bilan issiqxona qurib, ham ertagi sabzavotlar yetishtirayapti, ham turli ekinlar koʻchatlarini yetishtirib, oʻzidan ortganini qoʻni-qoʻshnilarga sotdi. Shunisi eʼtiborliki, ovuldagi issiqxonalar egalari kam taʼminlangan, ehtiyojmand oilalarga ekinlar koʻchatlarini bepul tarqatdi.

 Ovul tadbirkorlaridan “Doʻstlik-Choykoʻl savdo” masʼuliyati cheklangan jamiyati rahbari Maqsud Sobirov, advokat Sherzod Abdullayev, tadbirkorlar Samandar Bobojonov, Madat Toʻrayev, Alisher Aminboyev, Xudoyor Aytekov, Xushnud Chorshamov va fermer xoʻjaliklari rahbarlari boquvchisini yoʻqotgan, nogironligi bor, ehtiyojmand oilalarni moddiy qoʻllab-quvvatlab kelmoqdalar, tomorqa yerlarini haydab, ekinlar ekishga yordam bermoqdalar.

Ovul fuqarolar yigʻini masʼullari xonadonlarda boʻlib, oʻz oilasi iqtisodini yuksaltirishi uchun ipak qurti boqib ham moʻl daromad olishi mumkinligini keng tushuntirdilar. Natijada ipak qurti boquvchilar koʻpaydi. Sohada koʻp yillik tajribaga ega pillakorlardan Gulsaur Nagmetova, Sanobar Primbetova, Paʼno Primbetovalar ipak qurti boqishda boshqalargi oʻrnak boʻlmoqdalar.

Ha, izlagan imkon topadi. Ertangi kunimizning qay tarzda boʻlishi, albatta, bugungi harakatlarimizga bogʻliq. Choykoʻlliklar buni sidqidildan his qilib, karantin davrida ham qoʻl qovushtirib oʻtirmay, obodlik, farovonlik uchun intilmoqdalar.

Oygul PAJABOVA.