OTA-ONASINING ORZUSINI AMALGA OShIRAYoTGAN ChEMPION QIZ
Tumanimizdagi 18-sonli umumtaʼlim maktabining 9-sinf oʻquvchisi Ziyoda Saʼdullayeva maktabda aʼlo baholarga oʻqish bilan birga sportning shaxmat turiga juda qiziqadi. Shu bois, ota-onasi Ziyodani yetti yoshidan boshlab shaxmat toʻgaragiga olib bordi. U avvalo maktabda, qolaversa tumanda oʻtkazilgan musobaqalarda faxrli oʻrinlarni egallab, tumanimiz yosh sportchilari orasida tanildi. Qatorasiga uch yil davomida, 2016-2017-2018-yillarda maktab oʻquvchilari oʻrtasida boʻlib oʻtgan shaxmat sporti musobaqalarida Qoraqalpogʻiston Respublikasida 1-oʻrinni egalladi.
Yaqinda, 2019-yilning 5-6-noyabr kunlari oʻtkazilgan Qoraqalpogʻiston Respublikasi birinchiligida yana Ziyoda Saʼdullayeva oʻzining tengsizligini isbotladi va 1-oʻrin sohibasi boʻldi.
Ziyoda Saʼdullayeva shu kungacha 3 ta kumush, 2 ta oltin medallarni qoʻlga kiritib, shaxmat sporti boʻyicha Qoraqalpogʻiston chempioni boʻldi. 2019-yil oktyabr oyida oʻtkazilgan “Zulfiyaxonim izdoshlari” koʻrik-tanlovining tuman bosqichida gʻoliblar safidan joy olib, sport yoʻnalishi boʻyicha tanlovning Qoraqalpogʻiston Respublikasi bosqichiga yoʻllanma oldi. Ziyodaxonning bunday muaffaqiyatlarga erishishida ota-onasining xissasi katta Ziyodaning oʻqishi, sport bilan shugʻullanishi uchun oilasida yaratilgan sogʻlom maʼnaviy muhit iqtidorli shaxmatchi qizni yangi marralar sari hamisha ruhlantirib turadi.
Zamira MATMURATOVA,
18-sonli maktabning texnologiya fani oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
