AMUDAPYoLIK GʻALLAKOPLAP 7300 TONNAGA YaQIN HOSIL TOPShIPIB, ShAPTNOMAVIY PEJANI OPTIGʻI BILAN BAJAPDILAP(Video)

Oʻzbekiston Pespublikasi mustaqillikka erishguniga qadar mamlakatimiz qishloq xoʻjaligi paxta yetishtirishga yoʻnaltirilgan edi. Shu davrda ekin maydonlarimizning qariyb 90 foizigacha paxta ekilgani hech kimga sir emas. Shu bois, deyarli hech qanday almashlab ekish boʻlgan emas. Yerning faqat bitta maqsadda beshafqat ishlatilishi tuproqning kuchsizlanib qolishiga olib keldi.

Mustaqillik yillarida mamlakatimizda paxta ekiladigan maydonlar ikki baravar qisqartirildi. Natijada mamlakatimizda oziq-ovqat mahsulotlari yetishtirishni koʻpaytirishga zamin yaratildi.

Ilgari xalqimiz ehtiyoji uchun zarur boʻlgan don sobiq ittifoqning boshqa Pespublikalaridan olib kelingan boʻlsa, mustaqillik yillarida Oʻzbekiston xalqining donga boʻlgan ehtiyojini qondirish boʻyicha tub islohotlar amalga oshirildi. Jumladan, aholi uchun qoʻshimcha tomorqa yerlari ajratib berildi va xoʻjaliklarda gʻalla yetishtirishga eʼtibor kuchaytirildi.

Mustaqillik yillarida qishloq xoʻjaligi sohasida amalga oshirilgan islohotlar natijasida Oʻzbekiston nafaqat oʻzini oʻzi gʻalla bilan taʼminlovchi, balki, uni eksport qiladigan davlatlar qatoriga kirdi.

Mamlakatimizda erishilgan bunday yutuqlarda tumanimiz mehnatkashlarining ham munosib hissalari bor. Mana bir necha yildirki, tumanimizda faoliyat koʻrsatayotgan 300 dan ziyod fermer xoʻjaliklari gʻalla yetishtirish boʻyicha shartnomaviy rejalarini ortigʻi bilan bajarib kelishmoqda. Joriy yilda ham bu anʼana davom ettirildi.

Bu yilgi mehnat zafariga tuproq va iqlim sharoitimizga mos gʻalla navlarining yaratilgani, ularning hosildorligini oshirish borasida olib borilgan ilmiy izlanishlar muhim asos boʻldi. Yaratilayotgan istiqbolli navlar, fermerlarning fidokorona mehnati, gʻalla yetishtirishdan manfaatdorlikning ortishi, moddiy texnik bazaning mustahkamlanishi hamda bu ishlarning davlatimiz tomonidan qoʻllab-quvvatlanayotgani sohani jadal rivojlantirish imkonini bermoqda.

2019-yil hosili uchun oʻtgan yilning kuz oylarida tumanimizda 328 ta fermer xoʻjaliklarida 3 ming 350 gektar yerga kuzgi bugʻdoy ekilgan edi. Ilgʻor va tajribali gʻallakorlarimiz bugʻdoyni ekishdan boshlab, uni agrotexnika qoidalari asosida parvarishlash ishlarini oʻz vaqtida va sifatli amalga oshirdilar.

Vegetatsiya davrida bugʻdoy maysalari bir necha marta qondirib sugʻorildi. Kuzgi bugʻdoy ekinlarini sugʻorish ishlarini toʻgʻri tashkil qilish maqsadida sugʻorish otryadlari tashkil etilib, bu ishga fermer xoʻjaliklari suvchilari jalb etildi.

Gʻallani oziqlantirish davrida har gektar yerga 5 tonnadan mahalliy oʻgʻit berildi. Shu bilan birgalikda begona oʻtlarga qarshi gerbitsidlar ishlatildi va zararkunandalar tarqalishining oldini olish choralari koʻrildi.

Hamjihatlikda bajarilgan bu kabi agrotexnik tadbirlar oʻz samarasini berdi. Dalalarimizda koʻzlangan darajadagi bugʻdoy hosili yetishtirildi.

Bugʻdoy oʻrim-yigʻimi boshlanishidan oldin tuman boʻyicha 13 ta otryad tashkil etilib, ularga bittadan kombaynlar biriktirildi. Shuningdek, oʻrim-yigʻim mavsumida jami 150 tadan ortiq, shu jumladan, 58 ta tashish texnikalaridan samarali foydalanildi.
Joriy yilning 18-iyun kuni tumanimiz gʻallakorlari davlat xirmoniga 7 ming 295 tonna bugʻdoy hosilini topshirib, oʻzlarining shartnomaviy rejalarini muvaffaqiyatli ado etdilar.
Bu yil gʻalla yetishtirishda Qilichboy, Toʻlqin va Boʻzyop ovullaridagi fermer xoʻjaliklari peshqadamlik qildilar.
Oʻndan ortiq fermer xoʻjaliklari har bir gektar yerdan 60-70 tsentnerdan gʻalla hosili olishga erishdilar.
Ayni kunda tumanimizda hosildan boʻshagan dalalarni peshma-pesh shudgorlash, takroriy ekin ekish ishlari amalga oshirilayapti. Shu kungacha ming gektardan ortiq yer shudgor qilindi va 800 gektar yerga takroriy ekinlar ekildi.
Fursatdan foydalanib, mirishkor dehqonlarimizni mehnatdagi yutuqlari bilan tabriklab, kelgusidagi ishlariga omad tilaymaniz.
Xirmoningizga baraka, aziz gʻallakorlar!