300 ga yaqin xonadon ilk bor toza içimlik suvi bilan taʼminlandi

Inson hayotini, uning kundalik turmuşi va salomatligini toza içimlik suvisiz tasavvur etib bölmaydi. Sönggi yillarda mamlakatimizning eng çekka hududlarida ham aholini toza va xavfsiz içimlik suvi bilan taʼminlaş borasida keng kölamli islohotlar jadal surʼatlarda amalga oşirilmoqda. Bu boradagi davlat siyosatining ustuvor yönalişlaridan biri sifatida, çekka qişloq va ovullar infratuzilmasini tubdan yaxşilaş maqsadida tizimli loyihalar hayotga tatbiq etilib, ularning amaliy natijasi olis manzillarda ham yaqqol namoyon bölmoqda.

Xususan, Özbekiston Respublikasi Prezidentining 2023-yil 25-dekabrdagi “2024-2026-yillarda Özbekiston Respublikasining ijtimoiy va işlab çiqariş infratuzilmasini rivojlantiriş çora-tadbirlari töğrisida”gi qarori ijrosini taʼminlaş maqsadida joylarda keng kölamli bunyodkorlik işlari olib borildi. Uşbu muhim hujjat asosida Amudaryo tumanida joylaşgan Böz solma ovuli hududidagi “Yöldoş Örazbaev” suv oliş inşooti ham töliq va zamonaviy talablar asosida rekonstruktsiya qilindi. Loyiha doirasida mazkur hududda umumiy uzunligi 26,3 kilometrni taşkil etuvçi yangi içimlik suv tarmoqlari tortilib, foydalanişga topşirildi.

Uşbu ulkan saʼy-harakatlarning quvonçli natijasi ölaroq, 300 ga yaqin xonadonlar öz tarixida ilk bor markazlaşgan, toza içimlik suvi bilan taʼminlandi. Bu nafaqat infratuzilmaning yangilanişi, balki yuzlab odamlarning kundalik turmuş tarzi yengillaşib, ijtimoiy-iqtisodiy rivojlaniş sari taşlangan juda muhim qadam böldi.

Albatta, içimlik suvi infratuzilmasini barpo etiş bilan iş bitmaydi, uning barqaror va uzluksiz işlaşini taʼminlaş, isteʼmol madaniyatini şakllantiriş ham ğoyat dolzarb vazifadir. Şu maqsadda, Qoraqalpoğiston Respublikasi Quriliş va uy-joy kommunal xöjaligi sohasida hududiy nazorat qiliş inspektsiyasi hamda “Qoraqalpoq suv taʼminoti” aktsiyadorlik jamiyati tomonidan hamkorlikda tizimli nazorat va örganiş işlari olib borilmoqda.

Yangidan suv tarmoqlari tortilgan hududlarda aholi va taʼminotçi örtasidagi şartnomaviy munosabatlarni qonuniy tartibga soliş, fuqarolarni rasmiy xizmatlar bilan töliq qamrab oliş hamda tölov intizomini mustahkamlaş işlariga alohida eʼtibor qaratilmoqda.

Jumladan, 2026-yilning birinçi çoragida inspektsiya mutaxassislari tomonidan Qoraqalpoğiston böylab jami 16 ta mahallada uyma-uy yurib, xonadonma-xonadon keng qamrovli örganiş işlari amalga oşirildi. Jarayon davomida aholiga içimlik suvidan oqilona va tejab foydalaniş, körsatilayotgan xizmatlardan qonuniy asosda foydalanişning ahamiyati, şartnoma tuziş tartib-qoidalari, şuningdek, davlat tomonidan berilayotgan mavjud imtiyoz va qulayliklar haqida batafsil tuşuntirişlar berildi.

Örganişlar natijasida 42 ta isteʼmolçi bilan içimlik suvi taʼminoti böyiça rasmiy şartnomalar imzolanişiga erişildi. Eng eʼtiborli jihati şundaki, amalga oşirilgan majmuaviy işlar natijasida 183 nafar aholi markazlaşgan içimlik suvi taʼminoti xizmati bilan rasman qamrab olindi. Uşbu raqamlar ortida inson omili, uning salomatligi va farovon turmuşi mujassamdir.

Toza içimlik suvining xonadonlarga kirib borişi fuqarolarning kundalik turmuş şaroitini tubdan yaxşilab, sanitariya-gigiena holatini talab darajasida uşlab turiş, aholi salomatligini muhofaza qiliş hamda hududda ekologik barqarorlikni taʼminlaş borasida qöyilgan eng mustahkam poydevor sanaladi. Zero, kelgusida ham bu kabi amaliy işlar izçil davom ettirilib, yangi loyihalar asosida yanada köproq aholi punktlarini markazlaşgan içimlik suvi tarmoqlariga ulaş maqsad qilingan.

Xalqni rozi qiliş, ularning yaşaş şaroitlarini yaxşilaş yölida taşlanayotgan har bir qadam, eng avvalo, yurtimiz taraqqiyoti va kelajak avlodlarning soğlom ulğayişi uçun xizmat qiladi.