Amudaryo tumanida aholi soni 220 ming nafarga yaqinlashdi
Har qanday hududning ijtimoiy-iqtisodiy rivojlanishi, eng avvalo, uning demografik koʻrsatkichlari hamda aholining oʻsish surʼatlari bilan bevosita bogʻliqdir. Statistika maʼlumotlariga tayanadigan boʻlsak, 2026-yilning 1-iyul holatiga Amudaryo tumanining doimiy aholisi soni 219 ming 900 nafarni tashkil etdi.
Taqqoslash uchun aytadigan boʻlsak, ushbu koʻrsatkich oʻtgan yilning mos davrida 217 ming kishidan iborat edi. Joriy yilning oʻtgan davri mobaynida tumanda aholining tabiiy oʻsish surʼati 1479 kishini tashkil etmoqda. Aniqroq aytganda, bu davr ichida hududda 2016 nafar chaqaloq dunyoga kelgan boʻlsa, 537 nafar fuqaro vafot etganligi qayd qilingan.
Jamiyatning muhim boʻgʻini boʻlgan oilaviy munosabatlar boʻyicha raqamlarga eʼtibor qaratsak, tumanda ushbu oylar davomida 633 ta yangi oila qurilib, qonuniy nikohdan oʻtgan. Afsuski, 113 ta holatda oilaviy ajrimlar ham kuzatilgan.
Shuningdek, hisobot davrida tumanga 348 nafar kishi doimiy yashash maqsadida koʻchib kelgan va 646 nafar kishi boshqa manzillarga koʻchib ketgan.
Ushbu raqamlar Amudaryo tumanida demografik jarayonlar barqaror tusga ega ekanligini va aholi sonining muttasil oʻsish tendentsiyasi saqlanib qolayotganini koʻrsatmoqda.
Olimjon Pirmanov, Amudaryo tumani Statistika boʻlimi boshligʻi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
