Амударё туманида аҳоли сони 220 минг нафарга яқинлашди
Ҳар қандай ҳудуднинг ижтимоий-иқтисодий ривожланиши, энг аввало, унинг демографик кўрсаткичлари ҳамда аҳолининг ўсиш суръатлари билан бевосита боғлиқдир. Статистика маълумотларига таянадиган бўлсак, 2026 йилнинг 1 июль ҳолатига Амударё туманининг доимий аҳолиси сони 219 минг 900 нафарни ташкил этди.
Таққослаш учун айтадиган бўлсак, ушбу кўрсаткич ўтган йилнинг мос даврида 217 минг кишидан иборат эди. Жорий йилнинг ўтган даври мобайнида туманда аҳолининг табиий ўсиш суръати 1479 кишини ташкил этмоқда. Аниқроқ айтганда, бу давр ичида ҳудудда 2016 нафар чақалоқ дунёга келган бўлса, 537 нафар фуқаро вафот этганлиги қайд қилинган.
Жамиятнинг муҳим бўғини бўлган оилавий муносабатлар бўйича рақамларга эътибор қаратсак, туманда ушбу ойлар давомида 633 та янги оила қурилиб, қонуний никоҳдан ўтган. Афсуски, 113 та ҳолатда оилавий ажримлар ҳам кузатилган.
Шунингдек, ҳисобот даврида туманга 348 нафар киши доимий яшаш мақсадида кўчиб келган ва 646 нафар киши бошқа манзилларга кўчиб кетган.
Ушбу рақамлар Амударё туманида демографик жараёнлар барқарор тусга эга эканлигини ва аҳоли сонининг муттасил ўсиш тенденцияси сақланиб қолаётганини кўрсатмоқда.
Олимжон Пирманов, Амударё тумани Статистика бўлими бошлиғи
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
