DEHQONChILIKNING MEHNATI OGʻIR, NONI ShIRIN
Dehqonchilik mashaqqatini tilsiz zamin bagʻrida xalqimizning rizq-roʻzini yaratayotgan, koʻngillari oʻzlari bunyod etgan paxtasiday oq, niyatlari ulugʻ dala mehnatkashlarichalik hech kim tasavvur qilolmaydi. Ayniqsa paxta juda parvarishtalab. Biroq mehnatlari samara berib, hosil xirmonga uyulgan davrda bularning bari unutilib ketadi.
Ayni kunlarda tumanimiz paxta dalalarini kezsangiz – oʻzlarining fidoyi mehnatlari evaziga yetishtirilgan oppoq paxtalarni zavq bilan yigʻib-terib olayotgan odamlarni uchratasiz. Ularning niyati – chanoqlarda ochilib turgan momiqday paxtalarni yogʻin-sochinli kunlarga qoldirmay yigʻishtirib olib, davlatga topshirish, qimmatbaho xomashyoning bir misqolini ham zoya qilmaslik.
Fermer xoʻjaligimizda joriy yilda paxtadan moʻl hosil yetishtirishga erishdik. Sentabr oyi boshida terimni boshlab 28-sentabr kuniga mavjud 25 gektar paxta maydonimizdan 54 tonna yuqori sifatli hosil terib olib, yillik shartnomaviy rejamizni ortigʻi bilan ado etdik.
Mavsum davomida 12 nafar pudratchilarimizga hududimizdagi ishga yaroqli vaqtincha ishsiz aholi ham yaqindan koʻmakchi boʻlishdi. Terimda qatnashayotganlar har kuni tushlikda issiq ovqat, choy bilan taʼminlandi va unumli ishlashlariga sharoit yaratildi, terim pullari oʻz vaqtida berib borildi. Terilgan paxtalar peshma-pesh qabul punktiga topshirildi. Natijada 28-oktyabrda yillik shartnomaviy rejamizni ortigʻi bilan ado etishga erishdik. 54 tonna hosilimizning hammasi birinchi navga qabul qilindi.
Bu xoʻjaligimiz paxtachilikda yuqori daromad olishini taʼminlaydi.
Xoʻjaligimizda paxtadan tashqari 2 gektar maydondagi soya, sholi, sabzi, piyoz, sarimsoqpiyoz kabi ekinlardan, shuningdek 17 gektar gʻalla maydonidan ham yuqori hosil yetishtirishga erishdik. Bunda qishloq xoʻjalik korxonalariga xizmat koʻrsatuvchi tashkilotlarning ham hissasi ulkan.
Suhrob BOBOJONOV, “Oq oltin” ovulidagi
“Suhrob-Hojiakbar” fermer xoʻjaligi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
