Obod turmush yili yangiliklari
«Obod turmush yili» dasturi amalda
Mamlakatimizda joriy 2013-yilga «Obod turmush yili» deb nom berilishi negizida, avvalambor, har bir odam, har bir oila, qolaversa, butun xalqimizning xayolidan oʻrin olgan vazifalarni amalga oshirish, taraqqiyotimizni jadallashtirish, hayotimizni yanada farovon qilish kabi ezgu maqsadlar mujassam. Zero, bizning yurtimizda inson aziz, uning qadr-qimmati yuksak sanaladi. Shuning uchun inson manfaati, huquq va erkinliklarini taʼminlashdek eng muhim ustuvor vazifa «Obod turmush yili» Davlat dasturida ham oʻz ifodasini topgan. Shu dastur asosida qabul qilingan tuman dasturi boʻyicha oʻtgan 10 oy davomida jami salkam 90 milliard soʻm va 2.7 ming AQSh dollari miqdoridagi mablagʻ evaziga keng koʻlamli ishlar amalga oshirildi.
Uzluksiz taʼlim
Butun mamlakatimizda boʻlgani kabi tumanimiz yoshlari ham davlatimizning gʻamxoʻrlik va eʼtibori tufayli 12 yillik taʼlim tizimidagi zamonaviy bilim maskanlarida taʼlim-tarbiya olib, kasb-hunar oʻrganmoqdalar. Farzandlarimizning yetarli sharoitlarda bilim olishi, kasb-hunar sirlarini egallashlari uchun tumanimizdagi mavjud 75 ta umumtaʼlim maktablari, akademik litsey va 8 ta kasb-hunar kollejlari, shuningdek, maktabdan tashqari tarbiya va maktabgacha taʼlim muassasalarida barcha sharoitlar mavjud.
Davlat hokimiyati va boshqaruv organlari faoliyatining ochiqligi
Davlat hokimiyati va boshqaruv organlari faoliyatining ochiqligini taʼminlashda xalq deputatlari tuman Kengashi va tuman hokimligi faoliyati toʻgʻrisidagi axborotni ommaviy axborot vositalarida, shu jumladan hokimlik muassisligidagi veb-saytda eʼlon qilib borish, ushbu axborotlarni hamma erkin foydalanishi mumkin boʻladigan xonalarda va joylarda joylashtirish, shuningdek axborotdan foydalanuvchilar, nodavlat notijorat tashkilotlari vakillarining xalq deputatlari tuman Kengashi va tuman hokimligining kollegial kengashlarida, majlislarida ishtirok etishlarini taʼminlash kabi usullaridan foydalanilmoqda.
Ijtimoiy infratuzilma yaxshilanmoqda
Mamlakatimizda ijtimoiy infratuzilmani yaxshilash masalasiga katta eʼtibor qaratilmoqda. Shu maqsadda joriy yilda tumanimizda ham qator amaliy ishlar qilindi. Jumladan, "Urganch shahri - Mangʻit shahri - Turkmaniston Respublikasi chegarasi” davlat ahamiyatidagi avtomobil yoʻlining 75,5-79 kilometroraligʻida 4.27 mlrd. soʻmlik, Mangʻit shahri va qishloqlarda aholini toza ichimlik suvi bilan taʼminlash maqsadida jami 4.443 mlrd. soʻmlik qurilish va rekonstruktsiya ishlari amalga oshirildi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
