MUHIM IJTIMOIY-SIYoSIY TADBIRNI demokratizm va oşkoralik tamoyillari asosida ötkazaylik

Özbekistonda demokratlaştiriş va fuqarolik jamiyatini quriş barobarida bugungi turmuşimizga inson qadr-qimmati, huquq va erkinliklari va ijtimoiy adolat masalalariga yangiça munosabatlar, yangiça qaraşlar şakllanmoqda. Jamiyat hayotidagi bu jarayonlar har birimizdan ijtimoiy faollik va yuksak masʼuliyat talab qiladi.

Maʼlumki har bir şaxs oilada kamol topadi. Insonning ongi va dunyoqaraşining şakllanişida oilalar, oilalardan tarkib topgan mahallaning örni beqiyosdir. Har birimizning turmuş tarzimiz mahallaga – özimiz yaşayotgan muhitga boğliq ekan, bu daxldorlikning ham öziga yaraşa masʼuliyatini his qila olişimiz lozim.

Bu masʼuliyat fuqarolar yiğinlari va ularning maslahatçilarining vakolat muddati şu yil noyabr-dekabr oylarida tugaşi munosabati bilan mamlakatimizda fuqarolarning özini özi boşqariş organlariga navbatdagi saylovni ötkazişga tayyorgarlik körilayotgan ayni kunlarda ayniqsa yaqqol namoyon bölmoqda.

Özbekiston Respublikasi Oliy Majlisi Senati Kengaşining şu yil 12-sentyabrda bölib ötgan majlisida "Fuqarolar yiğinlari raislari va ularning maslahatçilari sayloviga tayyorgarlik köriş va uni ötkaziş töğrisida”gi qarori qabul qilindi. Majlisda qayd etilganidek, ötgan davr mobaynida ötkazib kelingan fuqarolar yiğinlari raislari va ularning maslahatçilari saylovi fuqarolarning huquqiy ongini va siyosiy-huquqiy madaniyatini oşiriş, mahalliy ahamiyatga molik masalalarni hal qilişda talabçanlikni kuçaytiriş maktabiga aylandi.

Navbatdagi fuqarolar yiğinlari raislari (oqsoqollari) va ularning maslahatçilari saylovini ötkaziş muddati 2013-yil noyabr-dekabr oylari etib belgilandi.

Bu saylovlar jarayoni yangi tahrirda qabul qilingan «Fuqarolar yiğinlari raislari (oqsoqollari) va uning maslahatçilari saylovi töğrisida»gi qonun asosida ötkazilişi bilan ahamiyatlidir.

Tumanimizda bölajak saylovlarda 47 nafar fuqarolar yiğini raisi (oqsoqoli) va ularning 420 nafardan ortiq maslahatçisi saylovi rejalaştirilmoqda.

Qonunga muvofiq, fuqarolar yiğini raisi va uning maslahatçilari saylovi oşkoralik, muqobillik va teng saylov huquqi printsiplari asosida ötkaziladi.

Yangi tahrirdagi qonunga asosan 2013-yil 27-sentyabr kuni Xalq deputatlari tuman Kengaşi qarori bilan fuqarolar yiğinlari raislari va ularning maslahatçilari saylovini taşkil etiş hamda ötkazişda fuqarolar yiğinlariga amaliy yordam beriş uçun tuman hududida fuqarolar yiğinlari raislari (oqsoqollari) va ularning maslahatçilari saylovini taşkil etiş hamda ötkazişga kömaklaşuvçi tuman komissiyasi tarkibi tasdiqlandi. Tuman komissiyasi tarkibiga fuqarolar yiğinlarining, davlat organlarining, nodavlat-notijorat taşkilotlarining vakillari kiritildi. Şu bilan birga bevosita joylarda saylovni taşkil etiş hamda ötkaziş böyiça yangi tahrirdagi qonunga köra fuqarolar yiğini (fuqarolar vakillarining yiğilişi) qarori bilan fuqarolar yiğini raisi va uning maslahatçilari saylovini taşkil etiş hamda ötkaziş böyiça işçi guruhlar tuziladi. Işçi guruh tarkibiga qoida tariqasida fuqarolar yiğinining tegişli hududida joylaşgan nodavlat-notijorat taşkilotlar va boşqa taşkilotlarning vakillaridan taşqari Xalq deputatlari tuman Kengaşining deputati ham kiritiladi.

Fuqarolar yiğini raisi lavozimiga nomzodlar Özbekiston Respublikasi fuqarolari bölişi, oliy maʼlumotli, bevosita saylovga qadar kamida beş yil tegişli hududda doimiy yaşayotgan, taşkilotçilik qobiliyatiga ega, davlat organlarida yoki nodavlat-notijorat taşkilotlarda yoxud tadbirkorlik va boşqa xöjalik faoliyati sohasida iş tajribasiga, şuningdek, hayotiy tajribaga va aholi örtasida obrö-eʼtiborga ega bölişi kerak.

Fuqarolar yiğini raisi va uning maslahatçilari saylovi yakunlarini çiqariş tartibiga köra ovoz berişda iştirok etgan fuqarolarning yarmidan köproğining ovozini olgan nomzod fuqarolar yiğini raisi yoki uning maslahatçisi lavozimiga saylangan hisoblanadi. Umuman olganda saylovga puxta tayyorgarlik körib, uni qonunga muvofiq yuqori taşkiliy-huquqiy darajada ötkazişni taʼminlaşimiz zarur. Bu jarayonlardafaol iştirok etiş, fuqarolarimizga saylov maqsad-mohiyatini, bu boradagi amaldagi qonunlarimizni keng tuşuntirişni tuman komissiyasi eng asosiy vazifalaridan, deb hisoblaydi. Şundagina saylovlarda eng munosib nomzodlar saylanişiga erişamiz.

Rustam Rözmetov,

tuman hududida fuqarolar yiğinlari raislari (oqsoqollari) va ularning maslahatçilari saylovini taşkil etiş hamda ötkazişga kömaklaşuvçi tuman komissiyasi raisi, "Mahalla” xayriya jamoat fondi tuman bölinmasi raisi.