USTOZIGA MUNOSIB ShOGIRDLAR
Tumandagi Bolalar-oʻsmirlar sport maktabida sportning barcha turlari boʻyicha yosh sportchilar mashgʻulotlar davomida sportning oʻzlari shugʻullanayotgan turlarining sir-asrorlarini mohir murabbiylardan astoydil oʻrganib, mahoratga ega boʻlmoqdalar va har bir sport turi boʻyicha oʻtkazilayotgan turli musobaqalarda buni namoyish etib, sovrinli oʻrinlarga ega boʻlishmoqda.
Nukus shahrida 10-11-fevral kunlarida oʻzbek jang sanʼati boʻyicha oʻsmirlar va katta yoshdagilar oʻrtasida Qoraqalpogʻiston Respublikasi Chempionati boʻlib oʻtdi.
Chempionatda tumanimizdagi BOʻSMda sportning jang sanʼati turi boʻyicha shugʻullanayotgan sportchilar ham ishtirok etdilar.
Jang sanʼati usullarni mohirlik bilan qoʻllagan yosh sportchilardan L. Jumaboyeva, D.Yoʻldoshev, A.Matyoqubov, B.Xudoyberganovlar 2-oʻrin hamda Yo.Aminova, H.Madrahimov, R.Ibrohimov, O.Jumaboyev, B.Jumaboyev, R.Farhodov, B.Nuramova, S.Normatovlar 3-oʻrin gʻolibligini qoʻlga kiritishga muvaffaq boʻldilar.
Yosh sportchilarga jang sanʼatini oʻrgatgan mohir murabbiylar Mahmud va Murod Safarboyevlarga yosh avlodning jismonan sogʻlom boʻlib voyaga yetishi uchun sogʻlom turmush tarzini targʻib qilib, sport bilan muntazam shugʻullanishlariga imkoniyat yaratib milliy sport turlarining qayta tiklanishi va rivojlanishiga hissa qoʻshib kelayotgani uchun minnatdorchilik bildirildi.
Shuningdek, Nukus shahrida Taekvando sporti boʻyicha Qoraqalpogʻiston Respublikasi kubogi uchun oʻtkazilgan musobaqada ham tuman BOʻSM shugʻullanuvchilari ishtirok etib, D.Bozorboyev 48 kg vazn toifasida 3-oʻrin gʻolibi boʻldi.
Ustoz va shogirdlar “Faxriy yorliq” va sovgʻalar bilan taqdirlandilar.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
