APAFADA

Inson feʼli qiziq azaldan

Har narsaga belgi qoʻyadi.

Pejalari zafarli bitsa,

Buni shu belgiga yoʻyadi.

Oʻzi yigʻib daqiqalarni

Kun, oylarni yilga qilib jam.

Oʻtgan umrin qilib sarhisob,

Yil soʻngida qiladi bayram.

Mana bugun keldi oʻsha dam:

Biz yangi yil ostonasida.

Dildan tilga koʻchar tilaklar,

Qutlugʻ bayram bahonasida.

Oʻtgan yildan koʻngil xotirjam,

Poʻyob boʻldi orzu-niyatlar.

Endi olgʻa chorlar hammani,

Berilgan yoʻl, imkoniyatlar.

Agar kimki boʻlsa tadbirkor,

Yuragida boʻlsa olov, choʻgʻ.

Qilmoq uchun faol harakat,

Oldlarida hech bir toʻsiq yoʻq.

Tafakkurga ega insonning,

Xayoliga yoʻqdir nihoya,

Endi chetda qolmaydi hech bir,

Yangi fikr, har yangi gʻoya.

Shu sababdan qaysi sohada,

Qiyin kechsa ish jarayoni.

Yangi usul, texnika bilan,

Oshib borar inson imkoni.

Bu zamona talab qilgan hol,

Fursat oʻzi qilmoqda ogoh:

Zoye ketgan har soat –uvol,

Bekor turmoq – eng ogʻir gunoh.

Shunday ekan Yangi yilda ham,

Baxtin koʻzlab har bir insonning.

Oshiraylik butun dunyoda,

Nufuzini Oʻzbekistonning!

Yurt nafini maqsad deb bilgan,

Har bir inson doim bor boʻlsin.

Yurtboshimiz qoʻllab doimo,

Yaratganning oʻzi yor boʻlsin.

Ahmad Nafasov, “Jayxun ilhomlari” NNT raisi.