Oʻzbekistonda aholining oʻrtacha umr koʻrishi 6-yilga uzaydi

Oʻzbekistonda oʻtgan yillarda onalar va bolalar oʻlimi 3 baravardan ortiq kamayib, fuqarolarning oʻrtacha umr koʻrishi 67 yoshdan 73 yoshga yetgan.

Oʻzbekiston Milliy matbuot markazida Oʻzbekiston Mehnat va aholini ijtimoiy muhofaza qilish vazirligi tomonidan oʻtkazilgan matbuot anjumanida shu haqda maʼlum qilindi.

 Vazirlik  boshqarma boshligʻi B.Sharopovning aytishicha, tizimda faoliyat koʻrsatayotgan reabilitatsiya markazlarida har yili oʻrtacha 15 ming nafardan ziyod nogironga tibbiy-ijtimoiy va kasb xizmati koʻrsatilmoqda.

«Obod turmush yili» Davlat dasturi doirasida Oʻzbekiston Mehnat va aholini ijtimoiy muhofaza qilish vazirligi va qator tashkilotlar hamkorligida 10 ga yaqin korxona tashkil etilib, ularda nogironlarni kasbga oʻqitish, turli ixtisosliklar boʻyicha qayta tayyorlash va bandligini taʼminlashga erishildi.

(Manba - http://darakchi.uz)