Tuman prokurori Dörman va Qoramon mahallalarida bölib, aholining yaşaş şaroitlarini xonadonma-xonadon örgandi

Mamlakatimizda davlat va xalq örtasidagi muloqotni yangi bosqiçga olib çiqiş, aholining muammolarini bevosita joyida örganib, ularga amaliy yeçim topiş maqsadida joriy etilgan “mahallabay” va “xonadonbay” işlaş tizimi özining yaqqol hamda ijobiy samarasini bermoqda. Bugungi kunda barça darajadagi rahbarlar, jumladan, huquq-tartibot idoralari masʼullari öz xizmat xonalaridan çiqib, joylarga taşrif buyurgan holda, oddiy aholining dardu taşvişlari bilan hamnafas bölmoqdalar. Ayniqsa, çekka hududlarda yaşovçi fuqarolarning ijtimoiy himoyasini kuçaytiriş, ularning yaşaş şaroitlarini yaxşilaş va roziligiga erişiş davlatimiz olib borayotgan ijtimoiy siyosatning eng ustuvor yönalişlaridan biriga aylangan.

Amudaryo tumanining ijtimoiy-iqtisodiy rivojlanişiga munosib hissa qöşiş, aholi osoyiştaligi va farovonligini taʼminlaş maqsadida tuman prokurori Bahrom Maşaripov bevosita öziga biriktirilgan hududlarda bölib, keng kölamli örganiş va tahlil işlarini olib bordi. Xususan, tuman prokurori Dörman hamda Qoramon mahallalari hududlarida yaşovçi oilalar holidan xabar oldi. Bu jarayonda rasmiyatçilikdan butunlay yiroq bölgan, samimiy, işonçli va oçiq muloqot muhiti yaratildi.

Rahbarning xonadonma-xonadon yurib, mahalla oqsoqollari, xotin-qizlar va yoşlar vakillari bilan yuzma-yuz körişişi nafaqat ularning kayfiyatiga ijobiy taʼsir körsatdi, balki hududdagi real ijtimoiy manzarani tölaqonli his qiliş imkonini ham berdi. Bahrom Maşaripov har bir oilaning ijtimoiy ahvoli hamda yaşaş şaroitlari bilan yaqindan tanişib çiqdi. Ayniqsa, ehtiyojmand, boquvçisini yöqotgan hamda qöllab-quvvatlaşga muhtoj oilalarning turmuş tarziga, ularning soğliği va bandligi masalalariga alohida eʼtibor qaratildi. Odamlarning kundalik turmuşida duç kelayotgan qiyinçiliklari rahbar tomonidan diqqat bilan tinglandi.

Örganişlar jarayonida muammolarni şunçaki qayd etiş bilan çeklanilmadi, balki ularni ijobiy hal etiş yuzasidan joyida zarur va keçiktirib bölmaydigan çoralar körildi. Vaqt va qöşimça mablağ talab etadigan masalalar böyiça tegişli taşkilotlarga körsatmalar berilib, ijrosi prokuratura nazoratga olindi.

Qolaversa, mahallalarda tinçlikni mustahkamlaş, jinoyatçilik va turli huquqbuzarliklarning barvaqt oldini oliş, oilaviy nizolarga yöl qöymaslik maqsadida aholi bilan keng qamrovli profilaktik suhbatlar ötkazildi.

Tadbir davomida hududda yangi qurilgan binolarda fuqarolar uçun yaratilgan mavjud turli xil imkoniyatlar böyiça maxsus tayyorlangan prezentatsiya loyihalari işlab çiqilib, aholiga körgazmali tarzda taniştirildi. Uşbu taqdimotlar orqali mahalla ahli yangi infratuzilma obʼektlaridan, xizmat körsatiş majmualaridan qanday qilib unumli foydalanişi mumkinligi haqida töliq tuşunçaga ega böldi.

Maʼlumki, yurtimizda tinçlik va xavfsizlikni taʼminlaş masalasi davlat siyosatining eng ustuvor maqsadlaridan biri sanaladi. Şu boisdan, Özbekiston Respublikasi Prezidentining “Respublika mahallalarida xavfsiz muhitni yaratiş yönalişida yaxlit manzilli işlaş tizimini joriy etişga qaratilgan qöşimça çora-tadbirlar töğrisida”gi qarori qabul qilingan bölib, uşbu muhim hujjat joylarda xavfsizlikni taʼminlaşning mutlaqo yangi mexanizmlarini belgilab berdi.

Amudaryo tumani prokurori boşçiligida ötkazilgan örganişlar davomida aynan mana şu qaror ijrosi ham nazoratga olindi. Har bir köçadagi vaziyat tahlil qilinib, “xavfsiz mahalla” kontseptsiyasini tölaqonli hayotga tatbiq etiş vazifalari belgilab olindi.

Amudaryo tumanida huquqni muhofaza qiluvçi idoralar tomonidan amalga oşirilayotgan bu kabi işlar zamirida faqat bitta maqsad – inson qadrini uluğlaş, uning haq-huquqlarini himoya qiliş ğoyasi yotibdi. Prokurorning bevosita xonadonlarga kirib borişi davlat idoralarining xalqqa qançalik yaqinlaşganining yana bir amaliy isbotidir. Mahallalarda yaratilayotgan bunday soğlom va xavfsiz muhit, aholi bilan ötkazilayotgan oçiq muloqotlar yaqin kelajakda albatta öz mevasini beradi va odamlarning ertangi kunga bölgan işonçini yanada mustahkamlaydi.