“OTAM, ONAM VA MEN – SPORTChILAR OILASIMIZ”
Soʻngi yillarda yurtboshimiz rahnamoligida amalga oshirilayotgan tub islohotlar samarasi jismoniy tarbiya va sport bilan muntazam shugʻullanish oilalarimizning oʻziga xos anʼanalaridan biriga aylanib bormoqda.
Oʻzbekiston Respublikasi Prezidentining 2013-yil 14-fevraldagi "Obod turmush yili” Davlat dasturi toʻgʻrisidagi PQ-1920-sonli qarori ijrosini Taʼminlash maqsadida oilaviy sport oʻyinlarini maʼnaviyat va oilalarning hamkorligi, oʻsib kelayotgan avlodni - sogʻlom va tafakkuri boy oʻyinlar turniri yanada kengroq targʻib qilish, xususan voyaga yetmaganlarni keng jalb etish va ishtirokini taʼminlash, ularning boʻsh vaqtlarini samarali tashkil etish va turmush tarzini qaror toptirishini yoʻlga qoʻyish maqsadida "Mahalla” xayriya jamoat fondi tuman boʻlinmasi, tuman Xotin-qizlar qoʻmitasi, tuman Madaniyat va sport ishlari boʻlimi, tuman Ichki ishlar boʻlimi, tuman Tibbiyot birlashmasi, "Bolalar sportini rivojlantirish” jamgʻarmasi, "Amudaryo televideniyesi”, "Kamolot” YoIX tuman Kengashi, tuman Davlat muassasalari va jamoat xizmati xodimlari kasaba uyushmasi hamkorligida 2013-yil aprel oyida "Otam, onam va men - sportchi oila” musobaqalarini oʻtkazish toʻgʻrisidagi qoʻshma qarori qabul qilingan edi.
Qoʻshma qarorga binoan, bu yil musobaqalarning mahallalararo bosqichlari 47 ta fuqarolar yigʻinlarida oʻtkazildi. Unga jami 752 nafar ishtirokchi, jumladan 376 nafar ota-ona, 186 nafar oʻgʻil, 190 nafar qiz bolalardan iborat oilalar jalb etildi.
"Otam, onam va men - sportchi oila” sport musobaqasining tuman bosqichi 23-iyul kuni №16 umumiy oʻrta taʼlim maktabi sport zalida oʻtkazildi. Tuman bosqichida faol ishtirok etgan 20 ta oila "Mahalla” xayriya jamoat fondi tuman boʻlinmasi tomonidan moddiy va maʼnaviy ragʻbatlantirildi.
Turnirda gʻolib boʻlgan 3 ta oilaga, faxrli I-oʻrinni olgan "Tosh yop ovuli” yashovchi Oʻrazboyev Omonboy va Niyozova Halima oilasi, II-oʻrinni olgan "Bogʻ” mahallasida yashovchi Yusupov Maxsud va Jumaboyeva Muyassar oilasi, III-oʻrinni olgan Chordara mahallasida yashovchi Odilov Sarvar va Matsafoyeva Gulbahor oilalariga "Mahalla” xayriya jamoat fondi tuman boʻlinmasi tomonidan qimmatbaho sovgʻalar va faxriy yorliqlar topshirildi.
KOMILA SAGITOVA,
"Mahalla” xayriya jamoat fondi
Amudaryo
tuman boʻlinmasi EXM operatori.
(Foto - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
