GʻAMXOʻRLIKLARDAN MINNATDORMIZ
Mustaqilligimiz tufayli mamlakatimizda xotin-qizlarga koʻrsatilayotgan gʻamxoʻrliklar koʻlami tobora oshib borayapti. Bular bizning ilm olishlarimiz, kasb-hunarga ega boʻlishlarimiz borasida yaratilayotgan sharoitlarda, ona-bola salomatligini muhofaza qilish yuzasidan olib borilayotgan ishlarda oʻz ifodasini topmoqda.
Men mamlakatimizning barcha ayol-qizlari qatori biz uchun yaratib berilayotgan imkoniyatlardan toʻla foydalanayotganimdan benihoya xursandman.
Ayni kunda men Amudaryo qishloq xoʻjalik kasb-hunar kollejida maxsus fan oʻqituvchisi sifatida faoliyat koʻrsatib, modeler-konstruktor va tikuvchi-texnolog kichik mutaxassisliklari tayyorlash boʻyicha 9 ta guruhdagi oʻquvchilarga dars berayapman.
Shu bilan birga oʻz kasbim boʻyicha ilmiy ishlar qilishga ham harakat qilib kelayapman. Kasb-hunar kollejlari oʻquvchilari uchun moʻljallangan "Kostyum va moda tarixi” fanini oʻqitishda innovatsion texnologiyalardan foydalanish” deb nomlanganoʻquv metodik qoʻllanmam 2016-yilda Qoraqalpoq Davlat Universitetining ilmiy markazida chop etildi.
Ilmiy ishlarimni yana davom ettirish maqsadida harakat qilib, "Keng assortimentdagi kiyimlarni loyihalash va modellashtirish” deb nomlangan yangi oʻquv-uslubiy qoʻllanmamni yozib tugatdim. Yaqinda chop etilishi kutilayotgan ushbu uslubiy qoʻllanmaga Buxoro texnologiya instituti katta izlanuvchi oʻqituvchisi D.Sayfullayeva taqriz yozgan.
Men oʻzimning bu muvaffaqiyatlarimda Qoraqalpoq Davlat Universitetida taʼlim bergan Oynagul Bekimbetova, Natalya Pirniyazova, kollejimizda birga mehnat qilayotgan qishloq xoʻjaligi kafedrasi mudiri Olimboy Bozorboyev va katta oʻqituvchi Usmon Xudoyberganovlar singari ustozlarimning hissalari katta deb oʻylayman. Chunki ular menga taʼlim berishda va kasb sirlarini oʻrgatishda jon kuydirgan mehribon insonlar hisoblanishadi.
Sayyora MINGBOYeVA,
Amudaryo qishloq xoʻjalik
kasb-hunar
kollejining
maxsus fan oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
