BAXILNING BOGʻI KOʻKARMAS
Hayotda men koʻp bora bir narsaga guvoh boʻldim: koʻngli toza, samimiy insonlarni hamisha xudo qoʻllaydi, ishi yurishadi.
Inson hasadgoʻy boʻlsa, hayoti ham shunga yarasha boʻlar ekan. "Baxilning bogʻi koʻkarmas”, deganlari rost. Hasadgoʻy, doimo birovga yomonlik istaydigan insonlarning hayoti yomonliklarga toʻla boʻladi.
"Birovga choh qazisang, oʻzing tushasan”, - deb bejiz aytilmagan. Birovga yomonlik qilib, hiyla ishlatib, obroʻyini toʻkish uchun reja tuzib yuradiganlar koʻpincha jamiyat oldida uyatga qoladilar.
Birovga yomonlik tilamaydigan, koʻngli toza insonlarning hayoti farovon boʻlib, ishlari yurishaveradi. Bunday insonlar, mabodo, ishlari yurishmay qolgan taqdirda ham aslo nolishmaydi. Nolish – noshukurlik ekanligini yaxshi bilishadi.
Azizlar, shuning uchun koʻngillarimizni chiroyli odob-axloq ila ziynatlab, atrofimizdagilarga shirin muomalada boʻlaylik. Zero, xulqi goʻzal insonlarga Alloh hamisha oʻzining yaxshiliklarini yoʻllaydi.
Farida QALANDAROVA,
56-sonli maktab oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
