"Obod turmush yili" yangiliklari
Mangʻit-Nazarxon irrigatsiya tizimi boshqarmasida suv xoʻjaligi sohasiga ilgʻor texnologiyalarni joriy etish, isteʼmolchilarni suv bilan uzluksiz va oʻz vaqtida taʼminlash boʻyicha koʻplab amaliy ishlar qilinmoqda. Tumanimiz hududini suv bilan taʼminlash, suvdan foydalanishni nazorat qilish Amudaryoning chap qirgʻogʻidagi Shixjamol, Qilichboy, Tosh yop, Mangʻit, Qipchoq boʻlimlari, Amudaryoning oʻng qirgʻogʻidagi Nazarxan, Berdax boʻlimlari tomonidan amalga oshiriladi. Tumanimizdagi 39600 gektar sugʻoriladigan yer maydonlarini suv bilan taʼminlashda boshqarmaning 195 nafar ishchi-xodimlarining xizmatlari katta boʻlmoqda. Bugungi kunda boshqarma hisobidagi 289,9 km uzunlikdagi xoʻjaliklararo kanallar, 30 ta gidrotexnik inshootlar, 319 ta gidropostlar, 298 ta suv chiqarish nuqtalari, 10 ta ekskavatorlar va 5 ta buldozerlar imkoniyatlaridan samarali foydalanilmoqda.
Bunyodkorlik yoʻlida
«Amudaryo qurilish materiallari» masʼuliyati cheklangan jamiyati tumanimizdagi yirik sanoat korxonalari jumlasiga kiradi. Hozirda jamoada 50 nafardan ortiq kishi mehnat qiladi. Ayni paytda korxonada ishlab chiqarilayotgan 5x20, 20x40 fraktsiyali shagʻallar va togʻ qumi tumanimizdagi va Xorazm viloyatining qurilish tashkilotlariga yetkazib berilmoqda. Shunisi quvonchliki, xaridorlarning birortasi ham shu paytgacha mahsulotlar sifatidan noligan emas.
Paxtakorlar uchun masʼuliyatli mavsum
Xolimbeg ovulidagi «Bektemir Jumatov» fermer xoʻjaligida 2013-yil hosili uchun ekilgan gʻoʻza nihollarini sugʻorish masalasiga bagʻishlangan koʻrgazmali seminar oʻtkazildi. Unda Vazirlar Mahkamasidan Respublikamizga biriktirilgan vakil Shuxrat Teshayev, Qoraqalpogʻiston Respublikasi Vazirlar Kengashi raisi Bahodir Yangiboyev, Respublika Qishloq va suv xoʻjaligi vaziri Sobir Xoʻjametov, tumanimiz hokimi Rajabboy Yoʻldoshev va qishloq xoʻjaligi sohasi vakillari qatshashdilar.
Joriy yilgi sugʻorish ishlarini uyushqoqlik bilan oʻtkazish maqsadida har 5 gektarga bir nafardan jami 3200 nafardan ortiq fermer xoʻjaliklari suvchilari, irrigatsiya tarmoqlari boshqarmasi xodimlaridan iborat suvchilar paxta maydonlarni sugʻorish uchun masʼul sifatida biriktirildi. Dalalarni sharbat usulida sugʻorish uchun 5 mingdan ortiq chuqurchalar qaziladi. Sharbat usulida sugʻorish uchun har bir gektar paxta maydoniga 5 tonnadan mahalliy goʻng chiqarish ishlari nixoyasiga yetkazilmoqda.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
