HECh KIM MEHR VA EʼTIBORDAN ChETDA QOLMADI
Oʻzbekiston Respublikasi Prezidentining 2016-yil 9-fevraldagi "Sogʻlom ona va bola yili” Davlat dasturi toʻgʻrisida”gi Qarorini ijro qilish hamda Oʻzbekiston Respublikasi mustaqilligining 25-yilligini munosib kutib olish maqsadida Oʻzbekiston Respublikasi Sogʻlikni saqlash vazirligining 2016-yil 24-maydagi 198-sonli buyrugʻiga asosan Tashkent shahridan Respublika ixtisoslashgan dermatologiya va venerologiya ilmiy-amaliy Tibbiyot markazi direktori, tibbiyot fanlari doktori U.Sobirov boshchiligida malakali mutaxassislar (jarroh, terapevt, kardiolog, pediatr, nevropatolog, urolog, oftalmolog, akusher-ginekolog, travmatolog) ishtirokida tumanimizda, 2016-yil 31-may kuni koʻp tarmoqli poliklinika binosida chuqurlashtirilgan tibbiy koʻrik oʻtkazildi.
Tibbiy koʻrikka Birlashma bosh mutaxassislari ham jalb qilindi, tibbiy koʻrikni oʻtkazish uchun alohida xonalar ajratilib, tegishli tibbiy asbob-uskunalar, jumladan, koʻchma flyuromashina, elektro-kardiograf hamda ultratovush apparatlari bilan taʼminlandi. Toʻshakda yotib qolgan yakka-yolgʻiz qariyalar, nogironlar, shu jumladan nogiron bolalar, tugʻish yoshidagi ayollar va bolalarga alohida eʼtibor qaratildi. Tibbiy koʻrik natijasida kasallik aniqlangan 580 bemorning 393 nafarini ambulator sharoitda, 34 nafarini statsionar sharoitda tuman, Respublika tibbiyot muassasalarida va ixtisoslashtirilgan markazlarda sogʻlomlashtirish tavsiya qilindi. 11 nafariga sanatoriylarda sogʻligini tiklashga tavsiyalar berildi.
Mazkur tadbirning oʻtkazilishi tumanimiz aholisining salomatligini mustahkamlashda, kasalliklarning oldini olishda va sogʻlom turmush tarzini shakllantirishda, tibbiy madaniyatni yanada yuksaltirishda muhim ahamiyat kasb etadi.
J.YaVQAShEV, tuman Salomatlik markazi direktori.
(Foto - http://uz24.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
