El-yurt xizmatiga tayyormiz

Men tadbirkor boʻlishga yoshligimdan qiziqqanman. Ammo oʻsha davrlarda mamlakatda tadbirkorlik faoliyatiga eʼtibor berilmasdi. Xususiy korxona ochish va mulkdor boʻlish haqida umuman gap ham boʻlishi mumkin emasdi.

Meninig tadbirkor boʻlish borasidagi orzuim mamlakatimiz mustaqillikka erishganidan keyingina amalga oshdi.

Mustaqillikning dastlabki yillarida mayda-chuyda tadbirkorlik ishlari bilan shugʻullanib, shu sohada kattaroq ishlarni amalga oshirishga tayyorlandim. Natijada 2001yilda "Mangʻit” masʼuliyati cheklangan jamiyatini ochishga muvaffaq boʻldim.

Oʻsha paytda ushbu tadbirkorlik subʼekti faqatgina murakkab maishiy xizmat texnikalarini taʼmirlash xizmatini koʻrsatishga moʻljallangan korxona edi.

Prezidentimiz Islom Karimov tashabbusi bilan tadbirkorlik sohasiga berilgan imkoniyatlar mamlakatimizda kichik biznes va xususiy tadbirkorlikning jadal surʼatlar bilan rivojlanishiga sababchi boʻldi.

Hozirgi kunda bizning "Mangʻit” MChJ oʻz faoliyatini kengaytirib, aholiga 9 turli xizmat koʻrsatmoqda. MChJ hisobida faoliyat koʻrsatayotgan xodimlarimiz soni 16 kishiga yetdi. Men MChJ raisi sifatida ularning mehnat va turmush sharoitlarining yaxshilanishiga doimiy ravishda eʼtibor berib kelaman. Shu boisdan ham MChJ tsexlarida ishlovchi kishilarimizning koʻngillari toʻq, ishlari sifati hamisha aʼlo.

Biz Davlat soliq inspektsiyasiga va tuman statistika boʻlimiga hisobotlarni oʻz vaqtida topshirishga, har qanday qarzdorlikning boʻlmasligiga hamisha eʼtibor berib kelamiz.

Prezidentimiz Islom Karimovning tadbirkorlik faoliyatini qoʻllab-quvvatlash borasidagi saʼy-harakatlariniyuksak qadrlaymiz. Shu boisdan ham biz ona Vatanimiz farovonligi, yurtdoshlarimiz baxtu saodati uchun sidqidildan xizmat qilishga doimo tayyormiz.

Tursunboy AXMEDOV,

"Mangʻit” MChJ raisi, Qoraqalpogʻiston Respublikasida xizmat koʻrsatgan maishiy xizmat va savdo xodimi.

Maqola Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash Jamoat fondi tomonidan moliyalashtirilgan loyiha doirasida eʼlon qilindi.

(Foto - http://uza.uz)