QOʻRIQLASh XIZMATIGA IShONCh ORTAYaPTI
Oʻzbekiston Respublikasi Prezidentining 2018-yil 12-dekabrdagi “Jismoniy va yuridik shaxslar mulkining qoʻriqlanishini taʼminlash samaradorligini oshirish chora-tadbirlari toʻgʻrisida”gi PQ-4060-sonli Qaroriga va Oʻzbekiston Respublikasi ichki ishlar vazirligining, fuqarolarning oʻzini oʻzi boshqarish organlari faoliyatini muvofiqlashtirish boʻyicha Respublika Kengashining hamda Qoraqalpogʻiston Respublikasi Qoʻriqlash boshqarmasining qator qaror va koʻrsatmalariga asosan joylarda texnik qoʻriqlash punktlari faoliyatlarini yanada yaxshilash yuzasidan bir qancha ishlar amalga oshirilayapti.
Jumladan Amudaryo tumani hududida faoliyat koʻrsatayotgan taʼlim muassasalari, bozorlar, savdo va xizmat koʻrsatish shoxobchalari, xususiy doʻkonlar, kompyuter xonalari, paynet shoxobchalari va shunga oʻxshash savdo va xizmat koʻrsatish obʼektlari hamda koʻp qavatli uylarda fuqarolar xotirjamligini taʼminlash, oʻgʻirliklar, talon-tarojliklar sodir etilishining oldini olish maqsadida qoʻriqlanadigan obʼektlarga texnik qoʻriqlash boʻlimi tomonidan yangi zamonaviy qoʻriqlov uskunalari oʻrnatilmoqda. Natijada keyingi paytlarda qoʻriqlovga olingan obʼektlarda oʻgʻirliklar sodir etilmadi. Shu sababli boʻlsa kerak, tumanimizda qoʻriqlovga topshirilayotgan obʼektlar soni tobora koʻpayib borayapti.
Joriy yilning oʻtgan 6 oyi davomida texnik qoʻriqlash punkti xodimlari avtomatlashtirilgan qoʻriqlash tizimlari orqali berilgan xabarlarga koʻra tezkorlik bilan tegishli joylarga borib, obʼektlarda roʻy berishi mumkin boʻlgan 18 ta noxush hodisalarning oldini olishga erishdilar.
Jumladan, Mangʻit shahrining Gurlan koʻchasida joylashgan, “Lavash” choyxonasiga, Qipchoq yoʻli boʻyidagi Bobur kafesiga, Chordara mahallasida joylashgan “Shahlo” kafesiga bemahalda yomon niyatda kirishga harakat qilgan mast kishilar qoʻlga olinib, ularga tegishli choralar koʻrildi.
Koʻriqlash boʻlimi xodimlari oʻzlariga ishonib topshirilgan obʼektlarda xavfsizlikni taʼminlash, ularni ishonchli qoʻriqlashni amalga oshirish maqsadida barcha imkoniyatlardan unumli foydalanmoqdalar. Ularning bugungi kundagi maqsadlari – xalqimiz ishonchini toʻla oqlashdan iborat.
Q.QANNAZAROV, Qoraqalpogʻiston Respublikasi Qoʻriqlash boshqarmasi
1-Alohida otryadi TQP boshligʻi, leytenant.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
