Imkoniyatlardan unumli foydalanamiz
Tadbirkorlik faoliyatiga qiziqish menda toʻqsoninchi yillarda paydo boʻlgan. Ishbilarmonlikka boʻlgan qiziqishimni payqagan ustozim, Nukus shahridagi "Tamara” qandolatchilik firmasi direktori Larisa Vitalevna oʻz firmasiga ish yurituvchi vazifasiga ishga qabul qildi.
Ustozim Larisa opaning yonlarida 16-yil ishlab, tadbirkorlik sohasining sir-asrorlarini qunt bilan oʻrgandim.
Mening tadbirkor sifatida mustaqil ravishda ishlay olishimga ishonch hosil qilganlaridan keyingina opa menga oʻz biznesimni boshlashimga ruxsat berdilar.
Shundan soʻng, yaʼni 2009-yilda men "Mangʻit-fayz” deb nomlangan oilaviy korxonamni ochishga muvaffaq boʻldim. Turmush oʻrtogʻim Oʻktamboy Bobotoyev bilan birgalikda oilaviy korxonamizni rivojlantirish maqsadida bor bilim va tajribalarimizni ishga solib, olgʻa intildik. "Intilganga tole yor” deganlaridek, qiyinchiliklardan choʻchimasdan yaxshi niyat bilan qilgan mehnatlarimiz bizni quvonchli natijalar sari yetakladi.
Oziq-ovqat va nooziq ovqat mahsulotlarining chakana savdosi bilan shugʻullanadigan oilaviy korxonamizda ayni kunda 6 kishi mehnat qiladi. Xaridorgir va sifatli mahsulotlar savdosini tashkil etishda oʻz tajribasi va uslubiga ega boʻlgan jamoamizning bankka naqd pul topshirishda ham hissasi katta boʻlayotir. Biz har oyda belgilangan miqdordagi naqd pulni bankka topshirishga erishayapmiz. Shuningdek, oilaviy korxonamiz hisobotlarni tegishli joylarga taqdim etish boʻyicha belgilangan qoidalarga ham toʻla amal qilib keladi.
Yurtimizda aholi turmush farovonligini yuksaltirish, uning bandligi darajasini oshirish, umuman, mamlakatimiz iqtisodiy taraqqiyotini taʼminlashda kichik biznes va xususiy tadbirkorlik subʼektlari hal qiluvchi kuchga aylanmoqda. Bugungi tez oʻzgaruvchan bozor talablariga javob beradigan zamonaviy tuzilma – oilaviy biznes, ayniqsa yangi ish oʻrinlari yaratish va yurtdoshlarimiz daromadlarini koʻpaytirishda muhim ahamiyat kasb etmoqda.
Bunday imkoniyatlar esa bizni, oilaviy tadbirkorlarni el-yurtimizga hamisha sidqidildan xizmat qilishga undaydi.
Amina ShOMURODOVA, "Mangʻit-Fayz” oilaviy korxonasi rahbari.
Maqola
Oʻzbekiston Respublikasi Oliy Majlisi huzuridagi Nodavlat notijorat
tashkilotlarini va fuqarolik jamiyatining boshqa institutlarini
qoʻllab-quvvatlash jamoat fondi tomonidan moliyalashtirilgan loyiha
doirasida eʼlon qilinmoqda.
(Foto - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
