20.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
20.11.2026, 21:55
Жамият 👁 282

КУЗГИ КЎКАЛАМЗОРЛАШТИРИШ ИШЛАРИ ҚИЛИЧБОЙ ОВУЛИДА ҲАМ ЖАДАЛ ДАВОМ ЭТМОҚДА

КУЗГИ КЎКАЛАМЗОРЛАШТИРИШ ИШЛАРИ ҚИЛИЧБОЙ ОВУЛИДА ҲАМ ЖАДАЛ ДАВОМ ЭТМОҚДА

“Яшил макон” умуммиллий лойиҳаси доирасида кузги ниҳол экиш мавсумига Қиличбой овулида ҳам жиддий эътибор қаратилмоқда. Овул ҳудудидаги мактаб ва мактабгача таълим ташкилотлари, аҳоли хонадонларида лойиҳа доирасидаги кўкаламзорлаштириш ва тўқсонбости экинларини экиш ишлари жадал давом этмоқда.

26 октябрь куни ушбу овулда кўкаламзорлаштириш ишларини жадаллаштириш, тўқсонбости экинларини экиш ва парваришлашни янада самарали ташкил этишга қаратилган хайрли тадбирларда туман ҳокими Собир Хўжаметов, ҳоким ўринбосарлари, секторлар раҳбарлари, фуқаролар йиғини масъуллари ҳамда кенг жамоатчилик вакиллари иштирок этишди.

Дастлаб овул фуқаролар йиғинида туман ҳокими Собир Хўжаметов ҳамда секторлар раҳбарлари иштирокида йиғинда фаолият олиб бораётган масъуллар томонидан ўтган давр мобайнида амалга оширилган ишлар юзасидан ҳисобот маърузалари тингланди. Шунингдек, фуқаролар йиғинида фаолият олиб бораётган “маҳалла еттилиги”нинг вазифалари ва фаолиятини тўғри йўналтириш бўйича чора-тадбирлар белгилаб олинди.

Маълумки, овул ва маҳаллаларда ташкил этилган “бешлик тизими” эндиликда “маҳалла еттилиги”га айлантирилиб, улар қаторида маҳалла бошқарувига солиқчи ва ижтимоий хизмат ходими ҳам фаолият бошлайди. Эҳтиёжманд аҳолини рўйхатга киритиш, моддий ёрдам, субсидия ва кредит ажратиш каби 70 дан ортиқ масалалар маҳалланинг ўзида ҳал қилинади.

Йиғилишда шу каби масалалар юзасидан сўз юритилиб, маҳаллада қулай ва электрон иш юритиш йўлга қўйилиши, амалдаги учта платформа – “Онлайн маҳалла”, “Хотин-қизлар”, “Ёшлар портали” ўзаро интеграция қилиниб, ягона тизимда мужассамлаштирилиши таъкидлаб ўтилди. Шунингдек, “маҳалла еттилиги” ишини мувофиқлаштиришда маҳалла раисларининг ваколатлари кенгайтирилиши, улар ҳоким ёрдамчиси, ёшлар етакчиси, хотин-қизлар фаоли, профилактика инспектори, солиқчи ва ижтимоий ходимни рағбатлантириш ёки интизомий жазо қўллаш бўйича тақдимнома киритиш ваколатига эга бўлиши кабилар тўғрисида кенгроқ маълумотлар берилди.

Йиғилишдан сўнг, туман ҳокими ва секторлар раҳбарлари, фуқаролар йиғини масъуллари овул ҳудудидаги 22-сонли мактабгача таълим ташкилотига ташриф буюриб, муассаса атрофидаги ободонлаштириш ва кўкаламзорлаштириш ишлари билан танишиб чиқишди. Масъуллар ташкилот ҳовлисида ажратилган майдонга “Яшил макон” умуммиллий лойиҳаси доирасида манзарали ва мевали дарахтлар кўчатларини ўтқазиш ишларида иштирок этишди.

Тадбир давомида ушбу майдонда 100 тупга яқин манзарали дарахт кўчатлари экилди. Шунингдек, маҳалла фаоллари ҳамда жамоатчиликка қишлоқ хўжалиги мутахассислари томонидан кўчат экишнинг ўзига хос агротехник қоидалари ҳақида тушунтиришлар берилди. “Яшил макон” умуммиллий лойиҳасининг аҳамияти, ундан кўзланаётган мақсадлар батафсил тушунтирилди, экологик маданиятни юксалтириш борасида фикрлар билдирилди.

Овулга ташриф буюрган масъуллар ҳудуддаги аҳоли томорқаларидаги тўқсонбости усулида экилган экинлар парвариши билан ҳам танишиш мақсадида Қўчқор Нуримов хонадонида бўлишди. Ҳудуддаги тажрибали деҳқон, намунали томорқачилардан бири бўлган хонадон соҳиби Қўчқор Нуримовнинг томорқаси 16 сотихдан иборат. Томорқанинг 3 сотих майдонида иссиқхона ташкил этилган. Иссиқхонада укроп, кашнич, салат барги каби кўкатлар, редиска, карам ва бошқа сабзавотлар етиштирилиб, оиланинг эҳтиёжи ва бозор таъминланади. Қўчқор Нуримов оила аъзолари билан биргаликда тўқсонбости экинларидан пиёз ва саримсоқпиёз экишни, улардан ҳам даромад олишни йўлга қўйган.

Тадбир иштирокчилари ушбу экинлар парвариши бўйича тажрибали деҳқоннинг фикр-мулоҳазаларини тинглаб, экинларни зараркунандалардан ҳимоя қилиш, қиш давомидаги совуқдан асраш, озиқлантириб бориш бўйича тавсия ва маслаҳатлар ҳам беришди.

Тадбир ҳудуддаги 15-сонли умумтаълим мактабида давом эттирилди. Туман ҳокими Собир Хўжаметов таълим масканида ўқувчилар учун яратилган шароитлар, эришилаётган ютуқлар, таълим-тарбияни яхшилаш борасида амалга оширилаётган чора-тадбирлар билан қизиқди. Шундан сўнг, секторлар раҳбарлари ва бошқа масъуллар иштирокида мактаб ҳовлисида кўчат экиш ишлари ташкил этилди. Мактаб ҳовлисидан лойиҳа доирасида яшил боғ яратиш учун ажратилган ер майдонига манзарали дарахтлар, арча кўчатлари ўтқазилди ва соҳа мутахассислари томонидан кўчатларни парваришлашнинг агротехник қоидалари тушунтирилди.

Овулдаги 83-сонли умумтаълим мактабига ташриф буюрган масъуллар ўқувчиларнинг тасвирий санъат йўналишидаги ижодий ишлари, эришилган ютуқлари намойиш этилган кўргазма билан танишишди. Таълим масканида яратилган шароитлар билан ҳам танишган масъуллар ўқувчиларнинг бўш вақтларини мазмунли ташкил этиш мақсадида ташкил этилган тўгараклар фаолияти билан қизиқишди.

Мактабда фаолият кўрсатаётган спортнинг қўл жанги тури бўйича тўгарак машғулотларига турли ёшдаги ўқувчилар жалб этилган. Спорт залининг етарли даражада жиҳозлар билан таъминлангани машғулотлар самарадорлигини оширишда муҳим аҳамият касб этмоқда. Тажрибали спорт мураббийи, жисмоний тарбия ўқитувчисидан спорт маҳорати ва сирларини ўрганаётган мактаб ёшлари туман, республика миқёсидаги мусобақаларда фахрли ўринлар ғолиблари бўлишмоқда.

Ушбу мактаб ҳовлисида ҳам масъуллар иштирокида “Яшил макон”нинг кузги мавсумидаги кўчат ўқазиш ишлари бўлиб ўтди. Кўкаламзор ҳудудда жойлашган маскан атрофидаги яшилликни янада кўпайтириш мақсадида турли манзарали ва мевали дарахтлар кўчатлари экилди.

Тадбир давомида туман масъуллари овул ҳудудидаги “Амирхон” фермер хўжалигида амалга оширилаётган кузги ишлар билан танишдилар. Хўжаликда асосан пахта ва ғалла етиштирилади. Айни пайтда буғдой ниҳоллари униб чиққан далаларда техникалар ёрдамида кузги озиқлантириш ишлари давом этмоқда. Қишлоқ хўжалиги соҳаси мутахассислари ниҳолларнинг ўсиб ривожланишида баргдан озиқлантириш, яъни суспензия сепиш катта аҳамиятга эгалигини, бундай озиқлантириш барча физиологик жараёнларни жадалллаштириб, ташқи муҳитга чидамлилиги, минерал ўғитлар самарадорлигини оширишини таъкидлаб ўтишди.

Тадбир иштирокчилари фермер хўжалик ҳудудидаги дала четларига узум кўчатларини ўтқазишди. Шунингдек, узумчилик бу – халқимизнинг асрлар давомидаги миллий деҳқончилик маданияти, қадрияти, ғурури ва даромад манбаи ҳисобланишини, унинг иқтисодий самарадорлиги ҳам, ижтимоий аҳамияти ҳам катталигини алоҳида таъкидлашди ва келгусида туманда узум етиштириш кўламини кенгайтиришга доир режалар борасида ҳам сўз юритилди.

 Президентимизнинг “Яшил макон” умуммиллий лойиҳаси доирасида кузги дарахт экиш ишларини бошлаш борасида берилган топшириқлар ижросини таъминлаш мақсадида туманимизнинг барча ҳудудларида шу каби ишлар жадал амалга оширилмоқда.

Озода Худойберганова.

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026